吳傑莊中信大廈辦公室窗外有條魚　點「游」上13樓？︱政壇諸事町

「住15樓養嘅牛牛」只是廣告說法，不過今日（30日）竟然發生「游上13樓嘅魚」這一奇事！

立法會議員吳傑莊今早返到中信大廈13樓的議員辦公室，赫然發現窗外有一條魚！

今日全港落大雨，天文台一度發出黃色暴雨警告，議員辦公室所在的金鐘自然不例外。吳傑莊早上如常返到位於中信大廈13樓的辦公室，竟然看到有條魚在窗台之外，令他大吃一驚：「冇錯，係魚，唔係雀仔！」難道這條魚乘着雨水「游」上13樓？

相片見到，這條魚已經「腸穿肚爛」，有網民估計是魚鷹的「早餐」，食了一半掉在窗外，還估計「明天好天會返嚟攞返」。

吳傑莊當然立即通知秘書處，安排工作人員處理。不過由於中信大廈的窗戶不能打開，要動用吊船清理，但今日天氣不穩暫時未能工作，要等到晴天時才進行，因此這條魚暫時仍要在窗外淋雨。

鷹呀鷹，記得明天返來拎走份早餐！