政壇諸事町︱徐英偉孖鄭泳舜落區派飯　親自包飯盒　再入熱廚房？

民政事務局前局長、民建聯成員徐英偉，今年1月因「洪門宴」事件後辭任，近日開始重新活躍，繼勞動節出帖透露自己「復出」打欖球後，今日（5日）同黨友兼立法會議員鄭泳舜落區派飯，仲交流文化藝術政策，莫非有暗示？

徐英偉買飯票請街坊食飯

鄭泳舜在Facebook表示，今日落區派飯獲好兄弟徐英偉到場支持，「過往我哋經常一齊落區，為基層送暖，知道最近疫情下不少市民需要關心和協助，Caspar（徐英偉）都義不容辭話要幫手，齊齊為基層朋友派發愛心飯盒。」

今次是徐英偉買飯票請街坊食飯，仲落手落腳親自夾餸包裝飯盒。鄭泳舜話，二人派完飯後一齊交流文化藝術政策，又預告下周在立法會提出議員議案，討論制訂未來5年文化藝術政策及發展藍圖。