會否選特首？李國章：好有趣嘅問題　無聽到風聲自己是潛在人選

特首選舉今年3月舉行，政圈近日盛傳不同潛在人選，包括剛卸任港大校委會主席的行政會議成員李國章。他昨（1日）在商台節目被問到會否有意選特首時，未有正面回應，僅稱「呢個係好有趣嘅問題」，又反問主持會否有興趣，主持回應稱「我何德何能，你有能力嘛！」
主持之後稱自己已回答沒興趣角逐特首，因為沒能力，再追問李國章會否參選，李僅稱：「我或者要跟你咁講」。主持再指，他作為潛在特首人選的風聲已「傳得好行」，李國章稱：「我無聽到喎！」

指公務員文化需改變

對於特首應具備的條件，李國章認為無論誰人做都是辛苦的事，「香港有好多緊要嘅問題，政府要講得到做得到，唔好議而不決」。他又指，新任特首首要工作是重整政府，以便完成想做的事，「唔係一拖就十幾年，十幾二十年先睇到成績，可能我嗰人係心急㗎啦，要做就即刻去做」，希望下屆特首能夠做到。

李國章又指，以往立法會出現拉布等情況，為公務員帶來不少問題，亦令他們感辛苦，結果出現「少做少錯，不做不錯」情況，「呢個文化一定要改變」。他認為公務員「做得好應該有賞，做得不好應該有罰，但而家係無，年年公務員都自然升上去」，強調有需要作出改變，「政府唔做好自己，係做唔好香港」。