【隔空駁火】杜汶澤再轟陶君行「私怨 X」　陶：我邊忽過咗火位？

社民連前主席陶君行、中央政策組前全職顧問劉細良及「佔中十死士」之一徐少驊日前在網台節目談及藝人杜汶澤，其中陶指杜汶澤「突然本土」，其妻田蕊妮卻沒有被大陸封殺，有關言論在網上被解讀為暗示杜汶澤是「鬼」，惹起風波，事件主角杜汶澤更以「粗言」回敬陶。
陶君行今天（30日）晚上在網台節目《大君伐》回應事件，稱很想就事件道歉，但「唔知點樣道歉」，亦不知「我邊一忽過咗火位」。陶又說，承認批評杜汶澤「戲子無情」是「唔要得」，強調：「我從來無話過佢係鬼或者話佢收錢。」
杜汶澤晚上則繼續發炮，在FACEBOOK不點名狠批，「如果泛民只不過係一堆毫無道德嘅『私怨X』的話，咁香港人，仲點解要相信你哋呢？」

陶君行強調言論與「飲醉酒」無關

陶君行晚上在網台「香港花生」節目《大君伐》回應事件，節目以《誠懇回應杜汶澤事件》。他指很想就事件道歉，但「唔知點樣道歉」，亦不知「我邊忽過咗火位」。

陶君行承認，批評杜汶澤「戲子無情」是「唔要得」，強調：「我從來無話過佢係鬼或者話佢收錢。」他又指自己只是講了幾句，「劉細良講得仲多」，強調當晚的言論與「飲醉酒」無關。

對於杜汶澤稱不會為議員薪金九萬八千元參選，陶君行亦說他不會為議員薪金參選，「對我都嚟講我都唔會選，過去幾年有一半時間都over呢個數（九萬八）。」

他又說一直視杜汶澤為偶像，「大佬，你一方面咁樣做（發表本土言論），一方面又好似無乜影響，我問係咪有時真係要學下啫。」他強調他當日的言論只是提出問題。

杜汶澤其後在FB貼文繼續發炮，劈頭第一句就是「君子坦蕩蕩，小心長戚戚！」他說：「我係唔會因為怕比（畀）人誹謗或者人生（身）攻擊，甚至惹禍，而唔同一個人做朋友嘅！」又批評，「如果泛民只不過係一堆毫無道德嘅『私怨X』的話，咁香港人，仲點解要相信你哋呢？」

杜汶澤最後表示，作為一個普通市民，一個有投票權的人，一個曾經支持民主派的人，「見到呢啲事，令我更加肯定，我討厭政治」。

劉細良今天就事件正式道歉

立法會九龍西補選結束後，傳統泛民與本土派罵戰不斷，其中陶君行在網台節目《奪命Loudzone》質疑杜汶澤「突然本土」」，惹起爭議，「早要踢爆杜汶澤…佢突然之間咁本土，但仲有人繼續搵佢做嘢！（佢好似冇大陸jobs，喺馬來西亞拍戲）佢老婆有，無理由唔封殺佢！你杜汶澤咁過癮，你老婆又繼續有大陸劇、廣告接，你杜汶澤仲可以繼續發癲？」

其後杜汶澤在Facebook「爆粗」反擊，指自己生平最討厭被屈，形容三名節目主持是「死茄喱啡」，直言：「我撞到你三個一定打X死你跟住我去坐監！」

劉細良今天晚上在節目《政治咖哩飯》上向杜汶澤正式道歉，他解釋當時他們討論若本土派要在選舉「打」傳統泛民，需要杜汶澤這種輿論領袖。劉細良形容當時陶君行的言論「講大咗」，由於陶君行的言論出自他的網台，他會為事件負上責任，「我會因為咁樣，向杜汶澤正式道歉，其實我唔應該，個句說話出自邊個都好，始於係我嘅節目、我嘅主持人。」