【鍾士元逝世】李鵬飛感不捨　憶師父做事為香港：香港之子

已故政壇元老鍾士元今日（22日）設靈，親友和各界人士前來悼念，包括鍾士元徒弟、曾任前立法局非官守議員的自由黨創黨主席李鵬飛，李鵬飛慨嘆不捨師父，形容鍾士元做的事都是為香港，讚揚鍾是「香港之子」。

年屆78歲的李鵬飛步履蹣跚，接近黃昏撐著拐仗來到殯儀館，逗留個多小時離開，他離開時接受記者訪問指，在香港出世的鍾士元身處大時代，在各界作出貢獻，亦坦言不捨得師父：「我認為佢做一切事情都係為香港，雖然有時有人誤解他，做科大，教育界，政界，工商界，醫療界也好，都是為香港作出貢獻。」

被問及還有無說話要告訴師父，李鵬飛憶述鍾士元對他說：「一定要為香港做嘢呀，咩辱罵都唔好怕呀」；又覺得師父活到101歲已是長壽。最後李鵬飛讚許師父是「香港之子」：「佢對香港嘅貢獻，就係因為過渡好困難嘅時期，中方又話佢、香港方面又話佢，但佢一樣，佢目的就係為港人做嘢，所以我叫佢『香港之子』，即係『Son of Hong Kong』。」

首位華人市政局主席、在立法局與鍾士元共事過的前立法局議員張有興分享與鍾士元認識差不多半世紀，認為鍾士元為人爽直：「講說話就用心說出嚟，都係為香港人服務，佢101歲passed away(離開)，我們大家都唔會忘記佢過往嘅貢獻。」