田北俊料再推23條　比03年版本更辣　倡廣泛諮詢：辣啲都有個譜

2003年以辭去行會成員，迫使政府擱置《基本法》23條立法草案的自由黨榮譽主席田北俊，公開呼籲港府及早展開立法諮詢工作。
他今日（16日）在商台節目上提議，以03年擱置版本作起步點，但相信必會加辣，惟廣泛諮詢後，倘北京接受，「辣啲都有個譜」。

23條何時立法？特區政府的口徑都是「審時度勢」。田北俊認為，香港勢不如人強，即使未來5年、10年，貿易戰結果如何，中國的發展都會繼續強過香港，「2003年，香港對中央仲係好有價值，回歸6年，你睇睇當年03年中國係點，今日中國係點，勢不如人強其實係簡單嘅道理。」

他判斷，如與中央談論政治問題，相信現時定立23條是好時機，「玩下手到2047年，到時你個23條變咗國安法個喎。」

田北俊形容，政府的「審時度勢」是拖字訣，「你咁樣審時度勢永遠都唔會話係好嘅勢」，他覺得現時林鄭非要顧慮連任問題，香港經濟又好，「你度得愈遲，法例會定得愈來愈辣。」

田北俊提議，以03年擱置版本作起步點，但相信必會加辣，惟廣泛諮詢後，倘北京接受，「辣啲都有個譜」，但現在未為23條定立本地法例，「政府、中央任得佢講哂」；又舉例指參選人聲明效忠問題，「點算你效忠，以前講咗你效忠咪算你效忠」,現時則「搵個D4主任確認你係咪真誠嘅效忠」，批評政府「無王管」是最大問題。

當年23條版本涉及7項罪名，田北俊指，分裂國家等首4項罪名非重點，反而其他與傳媒和經商有關係的罪名才緊要。他認為可參考民建聯前主席曾鈺成「先易後難」的建議，「7樣緊要嘢裡面攞4樣過咗先，其他幾樣嘢唔過。」