【專訪】BB來了非意外？容海恩：家庭事業分開　曾打算投考法官

今年政壇喜事並不少，剛過去的暑假，新民黨立法會議員容海恩與該黨前政策總裁袁彌昌成婚，兼宣布有喜，頓成佳話。由政壇「桂綸鎂」變身三職媽媽，只是短短2年間的事情，容海恩接受《香港01》專訪時，自言是一個有目標的人，早已計劃任內結婚生子，「咁我當選都39歲啦， 都會係呢幾年要結婚，結完婚就生小朋友，都係呢幾年會發生的事，可能個次序有少少調亂，但都係合適嘅時間」，容海恩隨後又言︰「如果早多幾年就更加好，高齡產婦真係好辛苦......」

甫踏入容海恩已進駐兩年的辦公室，個人物件並不多，書架上除了有重甸甸的文件外，比較囑目的是一幅幅彩色的DIY小手作，「係落區時小朋友送㗎」，她輕輕傳來這一句。不過，這個辦公室明年會否迎來多一張嬰兒床？「唔好喇啩！」容海恩停頓數秒後又說︰「但可能都要喺度餵奶」。

容海恩現時正爭取便利懷孕女議員的設施，包括建議設授權票及增加立法會大樓內的育嬰室，但隨即被外界質疑「忽然爭取」。容海恩秒答「係佢哋（之前）冇問我」，笑言可能之前未結婚，故無記者問及相關議題，待現時有孕才問，故觀感上好像她關注多了，強調「冇理由女性唔幫自己爭取返」。

曾打算投考法官

現代女性經常要面對家庭與事業的平衡，剛新婚的容海恩則認為家庭與事業是分開的，不憂慮產後會影響議員工作，「好難將工作同家庭綑綁咗，因家庭要放棄工作，或為工作放棄人生的下一步，我覺得咁係困難。」反而立法會議員的工作，原來影響其大狀之路的發展，「如果冇做立法會議員，或者我會試下投考法官。」她不諱言現時法官之路更遙遠，因有政治聯繫，或予公眾偏頗之感，笑指「可能需要時間洗底」。

2016年初加入新民黨，同年9月首次「擔大旗」出戰立法會，順利晉身議事堂，今年暑假「雙喜臨門」踏入人生另一階段，一切井然有序地發生，容海恩自有一套人生規劃，「有咗事業就應該有家庭，始終自己做咗10年大律師，有經濟基礎，都係啱既時間去做（生BB）；女性喺時限上有個考慮，唔似男士幾多歲都得，再唔生唔通要等到45、46歲？」

直言「不是虎媽」

容海恩的預產期在明年2月，對於即將到來的新生兒，她直言對他無任何人生規劃，只認為小朋友要多元發展，學習不同語言、文化才可提升競爭力，「 畀自己試多些事物，知道自己鍾意咩，唔鍾意咩，理解自己重要些，冇人比你更了解自己，就算父母都唔會比你更了解自己。」那會否變成虎媽？容海恩直接否認︰「父母明知你唔鍾意，仲逼你去做，先係唔好，先係虎媽呀！」

結婚、生子之後，現時租住銅鑼灣單位的袁氏夫婦，下一步是否考慮上樓？容海恩明言不想接火棒，「香港樓價偏貴，睇下用來自住定投資，可能會喺不同國家投資，但自住物業就冇必要接火棒。」她認為資金靈活流動更重要，「如果我想喺大灣區開公司，或者做法律支援，如果買咗樓，錢銀上就冇左彈性，兩面都要兼顧，工作自住都要資金投資。」

父母施壓結婚？丈夫：我好認真㗎！

訪問到最後，記者笑問袁彌昌炮製了什麼驚喜，令她願意結束單身生活？容海恩甜笑數秒，「正常咁去做囉......我個人比較難接受驚喜，唔好驚嚇就得；你要喺我想象之外，仲要睇我鍾唔鍾意喎，好難㗎，可能我個人比較麻煩。」隨後又爆料指父母當年都有施壓，「梗係叫你唔好玩玩下」，並大爆丈夫當時的反應是「我係好認真㗎！」

說起往事，容海恩不諱言︰「始終唔係18、22，要小心揀」，因工作中經常都要處理離婚訴訟，深知兩人走在一起並不容易，「係緣份嚟嘅」。