議員暑假去邊好？毛孟靜墨西哥娶新抱　張華峰東歐嘆美食　

立法會會期完結步入暑假，不少議員經歷一年忙碌，都會選擇遠外遊避暑，放鬆一下心情。
其中出名識飲識食，腹大便便的經民聯金融服務界議員「肥老闆」張華峰，就到東歐品大嘆海鮮、葡萄酒。無獨有偶，民主黨黃碧雲雖然選擇到地球另一邊的加拿大多倫多避暑，但行程同樣是美酒佳餚相伴，先到當地海鮮餐廳大快朵頤，之後更到葡萄園試酒，可謂認真識嘆。
相比之下，自由黨鍾國斌和議會陣線毛孟靜的行程則緊湊許多，鍾國斌先到倫敦觀光兼出席女兒大學畢業禮，之後再轉戰挪威、德國、愛沙尼亞、俄羅斯四國；而毛姨姨就竟然天時暑熱遠征聽個名都覺得熱辣辣嘅墨西哥，究竟有咩搞作呢？

港股6月起走勢慘淡，惟7月尾一度抽升至接近2萬9千點，身為金融服務界議員的張華峰當時也心情大好，在facebook出po介紹抖暑好去處。原來肥老闆有家人陪伴，到東歐匈牙利欣賞多瑙河風光。不知是否在逆市之下，肥老闆仍然大有斬獲，旅途中他對飲飲食食絕不吝嗇，大嘆當地馳名的葡萄酒，又在飛機上享有豪華空中酒吧，非常寫意。

至於黃碧雲，則也在7月尾坐14個鐘機飛到多倫多，期間大刷龍蝦餐兼同丈夫慶祝生日，又到安大畧湖、尼亞加拉大瀑布等景點遊覽。

而鍾國斌的行程，就南轅北轍好繁忙，他先去到倫敦，在女兒畢業禮上觀禮，不過在倫敦逗留參觀溫莎城堡Windsor castle期間，鍾國斌就有怨言，指哈利王子在城堡大婚後，排隊入城堡參觀要「排個幾鐘」，又話入場費要成20歐羅，笑言哈利王子個婚禮「應該好快回本」。 雖不是公務旅程，但鍾國斌到愛沙尼亞時，就不忘本行，指當地政府鼓勵生育，「生仔可以有3年產假，當然係由政府出錢資助，如果由商界負責，間企業實『摺』得！」