羅淑佩專訪｜運輸署「打」到房署心路歷程　下班愛下廚、HIIT健身

「超過220萬人住公共房屋，佢哋每天嘅生活，我哋都照顧緊。」羅淑佩一年前由運輸署走到房屋署，最大體會是「民生無小事」。她憶起在任運輸署時很怕打風，「特別係香港人要返工」，長期處理高度戒備狀態，來到房屋署遇上打風又是另一種繃緊，「要做到好似我哋自己間屋停水停電咁緊張」，還未計其他任務，如增建房屋、打擊濫用、建立鄰里情懷、種族共融等。「希望就係大家可以安居」—— 是羅淑佩任內最大心願。

上任一年，每天忙得不可開交，羅淑佩盡量希望平衡生活，最近捱更抵夜看奧運之餘，每周堅持做一小時運動，「我就做HIIT(高強度間歇訓練)，有時做Weight(負重運動)」，有時放工跑步半小時，笑言「如果唔係個人會吽吽哣哣」，亦會下廚邀朋友到家談天說地放鬆一下。

羅淑佩專訪系列・五

羅淑佩加入政府35年　攀上公務員體系「天花板」

「新巴、城巴、九巴、冠忠嗰架喺後面……」踏進羅淑佩的辦公室，門口旁的玻璃櫃最先映入眼簾，除了擺放了多輛巴士模型，還有一批頗有歷史感的紀念品，包括中英聯合聯絡小組的玻璃紀念牌、前立法局的紀念品等。

皆因羅淑佩已加入政府35年，由前銓敍科、前政務總署、前憲制事務科，到近年的旅遊事務副專員、政制及內地事務局副秘書長，及廣為人熟悉的運輸署署長一職，如今走到公務員體系的「天花板」—— 房屋局常任秘書長兼房屋署署長。

照顧220萬公屋居民生活　「要好似自己間屋咁緊張」

「民生無小事，的確嘅。」由運輸署走到房屋署，由「易通行」走到打擊濫用公屋，共通點是兩個都是民生部門，任何政策措施市民最直接感受到。羅淑佩憶起在任運輸署時很怕打風，「一打風我哋就要好小心處理交通安排啦，特別係大家香港人咁……返工要加油，點樣幫大家返到工呢，交通工具準備就緒各方面」，形容長期處於高度戒備狀態。

其實希望嘅就係大家可以安居，喺我哋嘅公屋、喺我哋嘅公營房屋裏面。

怎料來到房屋署較想像中更緊張，「譬如突然間停水停電，我哋宜家都要做到好似我哋自己間屋停水停電咁緊張」，由屋邨經理、助理署長、以至首長級官員，都要到場落場處理，最大體會是「往往可能做事情你唔覺得好大，但係做完出嚟，原來影響係大。」

畢竟，羅淑佩轄下的房屋署最大的持分者是公屋居民，「有超過80萬公屋租戶，超過220萬人住公共房屋，佢哋每天嘅生活，我哋都照顧緊」，任務不只照顧公屋居民生活，還有增建房屋、打擊濫用、建立鄰里情懷、種族共融、為房委會「管數」等。「希望就係大家可以安居。」—— 羅淑佩談到來年工作目標和心願。

公屋妹變房屋署署長　羅淑佩冀推動鄰里情「軟工作」

3歲搬到葵涌石蔭邨居住的羅淑佩，由廿載公屋妹成為房屋署署長，難以忘懷街坊鄰里情，中學時期很多同學都是石蔭或石籬街坊，可輕易看到彼此家中是否仍然亮燈，不用打電話也知道對方「瞓咗覺未」，感覺很親切，人與人的距離亦很近，有幾位至今仍是「閨蜜」。

踏入房屋署署長第二年任期，羅淑佩說除了建屋等「硬工作」，亦希望做更多「軟工作」。她憶述去年到水泉澳邨探望一名70多歲的婆婆，她住在巷尾的一人單位，雖然女兒住在市區並非同住，但婆婆住得很開心，「我就問婆婆，『你自己一個人住，你又住巷尾，如果有咩事你呼喊，隔離左右識唔識㗎，會唔會理你㗎？』」

婆婆回應羅淑佩時說同層街坊幾乎全都認識，「佢哋得閒會問候下我，有時行開行埋睇醫生，都可以搵佢哋幫手」，這次探訪經歷，令羅淑佩認為增進街坊鄰里情的工作，可以多做一點。

除了鄰里情懷，還有種族共融工作。羅淑佩憶起6、7年前到深水埗一個唐樓單位，探訪一對南亞裔兄弟，由於兩兄弟已成家立室有小孩，居住空間不足，慶幸的是他們當時告知獲分配蘇屋邨的公屋單位，可以很快上樓。

最近，羅淑佩到蘇屋邨做訪問時，想起這對南亞裔兄弟應該仍住在蘇屋邨，在一個較好的環境生活，希望將來加強少數族裔共融工作。

工作以外愛下廚、HIIT健身　笑言「如果唔係會吽吽哣哣」

上任一年，「打濫」無停手，每天忙得不可開交，羅淑佩盡量希望平衡工作與生活，最近捱更抵夜在家看奧運，有時只睡兩小時便上班。她亦喜愛下廚放鬆一下，譬如前陣子分享媽媽的蘿蔔糕食譜，「我好鍾意煮嘢食，亦都鍾意周圍食嘢」，偶爾邀朋友到家談天說地，虛心聽聽朋友對其工作的意見。

注重健康的她每個周末堅持做GYM健身，至少做一小時運動，「我就做HIIT(高強度間歇訓練)，有時做Weight(負重運動)」，笑言「如果唔係個人會吽吽哣哣」，以前傍晚放工亦會跑步半小時，「但宜家比較熱，就難啲啦，唯有喺屋企拉下筋。」