【Show 後煙】Clockenflap 前台後台眾人 ：今年好chill！

扭耳仔除了聽一眾音樂人去論盡樂壇之外，都好想聽到樂迷的心聲！現帶來【Show 後煙】這環節讓大家在聽完 Show 後將感受與我們慢慢分享！今次來到Clockenflap 2018！

真心講句，好多人覺得今年Clockenflap 演出陣容無咁勁，但睇完三日，發覺今年特別Chill，可能大家都係真心樂迷。睇睇我哋喺show後食煙位見到乜人經過！

Kiri T：第一次來Clockenflap，想不到也有很多觀眾來看，今次專登悉心打扮上台，感覺好開心。

Jace (右) ： 今日睇咗9m88，好好呀！氣氛好舒服！Clockenflap 今年有幾個單位意外的好好睇，今年整體上係開心。

鍾雪 (左) ：我睇咗David Byrne ，我唔識讀個名！阿叔係我最鍾意嘅表演，佢係一個好好「說故事嘅人」，所以好有感染力。佢帶咗整一班比佢後生好多嘅音樂人嚟，所有人都做得好好令我好感動。

陳德政：昨天(星期六)忙完事情，就立刻從台灣飛過來，錯過了Javis Cocker，但看了半小時David Byrne，也覺得很滿足。(你的英文名叫Pulp，看不到Javis 會很可惜？) Pulp對我的青春影響真的太大，但因為我之前看過Pulp的演出，所以今次沒有太大遺撼。(今日想看什麼？) 我想看小山田圭吾，我現在想找找袁老師 (袁智聰) 在哪裡！

Kiki Tam ：睇咗9m88，覺得佢好索好靚，音樂好舒服！我愛台妹，台妹愛我！我聽日睇Khalid，Send me your location，Let’s …. (唔使唱，我哋出文字) 咁幫我打返句歌詞。Clockenflap係香港難得嘅音樂節，三日都要嚟，年年都要搞！

Fish：睇完今日，覺得好開心好chill，有好多朋友好開心，有音樂有酒精。我啱啱收工趕過嚟睇9m88，覺得可以飲杯又可以有音樂真係好。希望香港可以有多啲就好！來緊係咪有另一個？(HOCC？科學園？) 係囉！多啲有音樂有酒精有朋友嘅活動！

Anson (右) ：Irvine Welsh (打DJ set) 佢跳舞有啲怪，但佢揀嘅音樂都ok！我原本預計佢會播多啲電子同bass music。(你本身識唔識佢？) 我知佢係寫《Trainspotting》，講毒品嗰啲，聽過佢小小音樂。由講毒品到玩音樂，係一個好大嘅空間。

Nola (左)：我鍾意佢播啲音樂，歌詞亦好有意思，但佢跳舞真係好核突！好似無節奏感，佢有音樂嘅才能，但沒有演出天份。

元貝：好正！要迫到9m88 encore才滿意！ 跳舞好好！

Dickson：今年Clockenflap好似line up無咁勁，其實唔係，成件事係正咗！今年全部人都係真心鍾意音樂，真心樂迷會出現！

Jarvis Cocker ：Sometime i just fake it ! (手拿著電子煙在香港係好危險)

「 Cigarettes After Sex 」 鼓手 Jacob Tomsky  ： (我話呢隻好重口味，你啱唔啱？) I like it, Can i have this (Sure！It is for you)。

Dusty Bottle：梗係想下次係夜晚出show 啦！中環同西九係有唔同 vibe 嘅～喺中環望過去九龍文化中心嗰邊，係唔同 feel 架！

海燕：「專登嚟睇 9m88，佢真係好有型！但遲咗玩扭耳仔送飛活動，下年要早啲提我呀！」

十一月仲有好多show：