Novel Friday - Have A Good Time ：捱過FYP！Chill住全職做音樂

hip-hop唔係用來批鬥的音樂，可以好chill，可以是愉快的生活態度！捱得過見盡人性黑暗的FYP，成為全職音樂人，終於可以chill住做音樂！

〈 Have a Good Time 〉整首歌的創作概念？

對上一張2017年尾的mixtape 《二十分之七》 完咗，跑完廣東省巡演，就因為final year好忙，潛咗近半年水 ；每日做 FYP (final year project) 又會見證各種人性醜惡， 如表面同你好朋友，實質想套你料搞成點。個阿Sir又好重女(輕男)，唔會有心教你，慢慢又會俾班同學嗰套「畢業後做Design/插畫狗」潛而默化嘅想法洗腦，所以啲日子過得好不爽。

之後我五月生日，Dylan Hing (簽我入 P.P.C. Records的人) 佢cover左 Post Malone 那段〈 Rock Star 〉當做生日歌俾我聽，先醒返起自己存在意義同價值，因此抱住急不及待嘅心情，寫咗首〈 Have a Good Time 〉。

這次的 beat 誰做？可以介紹一下？整首歌用了好多 auto tune ，為何有這種想法？

這首 beat 喺 rujay.com 買返嚟，因為(P.P.C.)廠內producer因私人事情隱退咗。

而 auto tune 嘅想法係 Dylan Hing 做錄音監製時加入嘅想法，因為如果我玩 boom bap jazzy嘅風格，個用聲就可以去得樸素啲，今年做比較多 melodic trap 嘅嘢，就會想嘗試玩埋 auto tune 出嚟感覺 swag 啲，因此今年打後，多數作品都會順住呢種玩法玩。

歌詞中難過的日子是指？

難過日子如FYP時期面對嘅人同事； 想做音樂，但抽唔到身；廠牌成員又退出；屋企等私人事，堆疊一齊，就好撚負面，渡日如年咁。

最近全職做音樂？每日怎樣過？

冇錯，全職做音樂，都係好多人問嘅問題，我哋 P.P.C Reocrds 拋左錢，係葵芳租左間 studio， 除咗日常創作、錄嘢、安排分配來緊每位 rapper 發布歌曲嘅順序、搵媒體報導、尋找演出機會、傾贊助、襯衫、排練， 約吓行內前輩上嚟傾計學嘢！就當係一盤生意咁運行，跟著會發現「玩音樂」係好輕鬆 ，「做音樂」比你想中要花費嘅心血時間都要大。

當然演出和贊助商等，一定係多咗。好似而家咁，我今晚就喺台北有showcase，後日去廣州 ，26號喺TTN又有show！(生活)最大問題都係租金同生活費，呢啲嘢其實一兩日炒個散解決到，所以日日都〈 Have A Good Time 〉 !!!!

MV最後的電視和花樣年華聲帶是伏線嗎？

係！來緊mv我哋會玩到 marvel 式咁，每隻都會有啲故事橋段重疊/穿插。
呢首 lo-fi 就唔係我嘅歌，記得跟實我哋來緊有咩動向喇！🤣🤣🤣