The Weekend本地薑音樂節有啖好食？

以前音樂節入面的食物比人印象係：價錢比較離地同埋又唔多選擇。但今年Wow and Flutter沒有令樂迷失望，了解到樂迷的心情，增添了眾多嘅美食攤位，食物質素高又可口，價錢又超級大眾化。有邊個唔想在夏日炎炎的天氣下配搭著美食飲品觀看自己最愛的表演者？今次實習耳仔就帶你食遍音樂節的食物，快啲睇睇有咩好推介，帶齊裝備，準備入場食好嘢，盡情享受這本地薑週末啦！！！

Cafe Corridor

非常特別的口感，綿滑泡沫睇落似啤酒，咖啡冰凍又醒神，最適合炎夏之下飲用，具有消暑的作用。

外觀：★★★☆☆
口味：★★★★☆
性價比：★★★★☆
新鮮度：★★★★☆

小王子爆谷

爆谷十分香口，每粒都充滿蜜糖味，即使擺放了一會仍很脆口，加汽水只需6元，幾扺食。另外亦有棉花糖供應，係大人小朋友都啱的合家歡的食檔。

外觀：★★★☆☆
口味：★★★★☆
性價比：★★★★★
新鮮度：★★★☆☆

Hon Bo

多汁鲜美的牛肉和香甜的洋蔥，麵包則用了薯仔包製造，口感十分鬆軟。是音樂節中最佳補足體力的能量劑。

外觀：★★★☆☆
口味：★★★★☆
性價比：★★★☆☆
新鮮度：★★★☆☆

N*ice pops

只看名字以為是雞尾酒或者是水果？其實是雪條，還有很多不同的味道選擇，出奇地搭配，味覺也長知識了。在夏日炎炎的音樂節享受一條與眾不同的雪條令人涼透心。

外觀：★★★☆☆
口味：★★★★☆
性價比：★★★☆☆
新鮮度：★★★★★

One More More

肉丸特別綿軟，薯蓉質感滑溜，加上自家調製的醬料，味道香口易飽肚，性價比亦非常高，很容易食上癮呢。

外觀：★★★☆☆
口味：★★★★☆
性價比：★★★★☆
新鮮度：★★★☆☆

華星冰室

校長多士使用了黑松露醬加芝士烤焗，口感不肥膩又非常清新脆口，是音樂節內性價比很高的食物之一，很適合在音樂節不想食太飽又準備去跳動的樂迷們。

外觀：★★★☆☆
口味：★★★☆☆
性價比：★★★★★
新鮮度：★★★☆☆

Carino

面對西九的大海，品嚐一道碳燒廣島蠔，配合了特製的XO醬，口味十分新鮮，價錢亦十分平民化。高度推介！

外觀：★★★☆☆
口味：★★★★★
性價比：★★★★☆
新鮮度：★★★★☆

Golden Pig 金豬嘜

他們使用特製的英國腸和新鮮麵包，保證無添加任何激素。煎香了的洋蔥混合茄汁和芥末醬令這熱狗昇華了一個層次，即場下單即時煮製，又夠熱又大份，腸和麵包加上醬汁刺激著味蕾的每一個角落，味道十分豐富，絶對值得一試。

外觀：★★★☆☆
口味：★★★★★
性價比：★★★★☆  
新鮮度：★★★☆☆

其實音樂節入面仲有好多好野食架！但實習耳仔已經飽到食唔落了，大家快啲入去音樂節聽住歌品嚐一下啦。

攝影：Chan Tsz Ming