磅秤大王瞓身公職　查毅超笑言無正職　生意交同事｜溫多娜手記

於7月底上任工總主席的查毅超，本身係科學園董事局主席，又係「磅秤大王」、福田集團董事總經理。公私務如此多，豈非忙爆？他接受《香港01》訪問時，就話自己已經冇咗「正職」，成副心機都放晒喺工總同科學園入面，「時間冇定，叫我就過嚟（工總），自己生意已經交晒畀同事，啲票send返屋企簽下就得。」

說起福田集團，港人認識不多，聽到「磅秤」或許以為是平時常見的體重磅和食物磅，但其實集團有不少「星級」客戶，當中包括世界飛機製造廠一哥Airbus（空中巴士）和法國戴高樂號航母，殊不簡單。

詳細報道：【專訪】秤重技術核動力航母都用　「磅秤大王」查毅超悶聲發財

除了擔任工總及科學園主席，查毅超早前與其他16名參選人，參選工業界（第一）的選舉委員會界別分組選舉。他表示，過往的特首對香港都有好大貢獻，不過在不同階段亦有不同挑戰，「希望嚟緊政府、立法會可以繼續支持創科、先進製造及再工業化。」

他認為，過去幾年的投放，業界需求增加，「如果唔再繼續呢個動力係浪費，唔繼續做就浪費。」他不評論個別的特首人選，只希望下屆政府可協助業界走入大灣區，「做到引進來、走出去的理念。」