【老虎仔周記】朕開金口講廣東話 成香港第一貓(有片有真相)

愛護動物無分國界,《香港01》寵物頻道及其facebook專頁歡迎你投稿。本文由Faith投,她分享了老虎仔開金口說話的背後秘密,果然是帝王,老虎仔表示:「江山美人,朕全都要!」

朕要學廣東話,無非都係為咗一個原因……
上回提到,被兩奴才知道我識聽廣東話之後,佢哋要求就越來越高,仲要我學講嘢添......講什麼?朕先賣個關子。
等朕先講另一個秘密比你地聽。
仲記唔記得我上次冒著大風雪,好夜都仲要出街。虎媽憑女人天生的直覺,竟然問咗我一句系咪約左女朋友,我緊繫即刻答唔系啦!若果比佢哋知道我為咗個女人而同佢哋周旋咁耐,咁樣……朕,顏面何存呢!不過朕既然連江山也收服了,面對如此大風雪,朕又點會唔為紅顏掛心。不過,我倆都有共識系要低調啲。嗰日冒著大風雪,朕只要出去看看紅顏無事,我就放心回家。
但系紅顏……唔知系唔系禍水,又或者佢愛朕愛得太深,有一日,朕正巡視江山,佢竟然忍唔住走來露台揾我。當時虎媽都不以為然,以為只是有只全身黑色,四蹄踏雪的流浪貓揾嘢食,然後仲笑住同佢講:「你揾老虎仔呀?佢出咗去喎。」點知佢竟然答阿媽話:「系!」
又有一次,佢掛住我,走來我屋企揾我,仲要入埋我屋企四圍望。直至虎媽就話比佢知,我唔系度喎,咁先至掉頭走。從此,阿媽同老豆就開始有懷疑啦。
點知有一次我同佢拍拖散步經過屋企樓下,竟然咁啱比阿媽在露台晾衫睇到……今次真系斷正啦!
有求於人要講「唔該」
唉~從此多事啦!阿媽知道我呢個秘密之後,每次出街便會為難我,話我咁細個唔應該拍拖。佢無估到,其實朕已經打出一遍江山,並迷倒萬千貓女。但朕本性專一,只有一個女朋友。
每當我嚷著要出街時,阿媽唔止要我問準佢,仲要我講……唔該!
唉,以朕今時今日的江湖地位,竟然要朕學你哋人類嘅語言?朕又點會唔識呀 (虎媽真系無諗過貓會識講野),只不過,咁樣有啲無面啫!唉,無辦法啦,當貓有所求時,都要貓死落地行。
朕,能屈能伸,講就講!不過唔好話我唔願意啦,仲要話小朋友要有禮貌!
好彩有片有真相,你哋就知我係一隻幾有禮貌嘅貓!朕,確是一隻善良而又有禮的皇者!
【除了識講唔該外,點擊圖片看老虎仔要出門的決心,也是無人能阻!】
更多老虎仔的日常生活,可追蹤牠的fb專頁:老虎仔 - 保加利亞雪貓 Little Tiger from Bulgaria。