【毛孩與我】來不及救走患癌狗　港女恨愛得太遲　用另一方式彌補

凡走過必留下痕跡。
暫托家長Dana現時收留了三隻待領養的小狗，她成為暫托的原委，來自於她數年前遇見的流浪狗「多多」。Dana每次探望牠，都見牠瑟縮在籠內，有時還因膽怯而失禁，她心痛多多餘生都要在2呎鐵籠裡渡過，於是立志成為暫托家長，可惜仍然愛得太遲......

現為暫托家長的Dana，早年在外國留學，每當休假回港時，定必到狗場做義工。令她印象最深刻的，莫過於全黑色的流浪狗「多多」。多多原本居住於山上，被漁護署捕獲後，獲動保團體拯救並帶回狗場絕育，義工及後打算為牠物色主人，但因牠極度害怕人類，最終無法得到幸福的家。Dana憶述當年遇多多相處的經歷：「我做咗大概兩年義工，我真係從來無見過佢可以離開狗籠。一個兩呎嘅狗籠，佢連企起身都沒法做到，真係令人好心痛......」

踏上暫托之路

Dana暗許承諾，他日畢業回港定必帶多多回家，直至牠重新接受人類。然而，義工帶來噩耗，指多多患上癌症，不幸中的大幸是牠的情況較為樂觀。直至Dana回港定居，打算接多多回家時，卻發現牠早已離世，「當時打擊好大，我唔開心咗一段時間，我覺得好遺憾，無辦法早啲接佢。我一直想喺佢過身前，畀佢過啲舒適嘅日子，可惜我做唔到......」多多的離開，令她立志要成為一位暫托家長。

▼▼▼Dana哽咽分享成為暫托家長的原因。點撃影片看詳情！▼▼▼

▼▼▼Dana家中目前暫托三小狗，牠們到底發生什麼事呢？點撃圖片看原因▼▼▼

暫托家長變寵物保母

「始終義工有限，狗場入面唔係每隻狗都咁幸運，有機會去散步。尤其係啲怕人、有攻擊性嘅狗，佢哋好容易就會被人遺忘。」Dana不希望再有狗跟多多遇到同一命運，決心要暫托狗場裡，被標籤為「有問題」的狗隻。過去一年，Dana已幫助十多隻流浪貓狗，並為牠們覓得新主人。

她認為大部分人都不明「暫托」意義，有朋友更誤以為她是寵物保姆，請她「暫托」家中的寵物，「暫托家長唔單止會照顧身體有問題嘅狗狗，仲會照顧啲性格有問題、驚人嘅狗狗，令佢重新信任人類。」

信念一度動搖

Dana家裡曾收留十多隻流浪動物，一度陷入混亂情況：「去到某一個位置，我都會諗係咪花太多時間、金錢喺暫托上呢？但當我睇到佢哋成功被人領養、領養人Send返佢哋好開心嘅相畀我，我就覺得一切都值得。」慢慢調整思緒後，Dana決定量力而為，在不影響毛孩的情況下重新出發。

義工為毛孩付出無數金錢、時間和精神，這並非所有人都能認同及理解，Dana亦曾因此跟父母大吵一場，「對我爸爸嚟講，佢盡力畀最好嘅嘢我、提供一個舒適嘅環境俾我，而我就去狗場清理大小便。」幸好經過互相理解後，父母總算諒解她。「我希望有更多人可以加入暫托嘅行列，因為有好多狗場都空間不足，就算佢哋想再救流浪動物，根本無空間可以再畀佢哋，唯有暫托令更多貓狗早日搵到新主人。」