【生命何價】寵物店半價促銷秋田犬 動保界斥自家繁殖氾濫惹惡果

有網民日前(1月27日)於社交平台上載一幅相片,從照片中可見一家寵物店的櫥窗貼上一幅大字報「歲月清狗半價起」,並注述「養狗仔唔系買手袋,希望佢哋的未來主人唔好因為平價,無真正去諗過就買返去唔養」,此帖一齣即引來網民激烈討論。非牟利獸醫診所 (NPV) 執行主席麥志豪接受《香港01》訪問時表示,近年寵物店半價促銷犬隻趨勢常見,而本港監管制度失效成為近年寵物店促銷狗只的「催化劑」:「生一竇狗主人唔需要任何無成本,寵物店半價賣畀你一樣賺到笑。」

網民:養狗仔唔系買手袋
網民「Timothy Wong」日前(27日)於Facebook上載一幅相片,並寫述「養狗仔唔系買手袋,希望佢哋的未來主人唔好因為平價,冇真正去諗過就買返去唔養」,從照片中可見,一家疑似寵物店的櫥窗上正貼著一幅大字報「歲月清狗半價起」,帖文上載不足兩日已引來過百網民激烈討論,不少網民指責店方銷售手法有問題:「系咪痴左線?生命嚟。」
進入寵物廉價化年代
非牟利獸醫服務協會執行主席麥志豪指,寵物店半價促銷犬隻的手法其實並不限於歲晚,「其實近年成個寵物業嘅生態可以話徹底改變咗,由30年前香港寵物店會從外國入口犬隻,到依家狗舖有超過七成嘅狗仔都系嚟至本地私人繁殖。」
麥續指,正正因為私人繁殖氾濫,令促銷犬隻的情況變得普及,「依家成個寵物界已經踏入廉價化嘅年代,私人繁殖者根本生一竇狗根本唔需要成本,就算半價賣畀消費者都仲有大把利潤,賺到你笑啊!」
麥志豪又認為,目前本港有關法例未能有效監管私人繁殖者,簡接成為寵物店促銷狗只的「催化劑」:「依家對私人繁殖者嘅監管法例好明顯存在好多不足,就算現時嘅制度下私人繁殖者需要領取牌照,但其實拎一個牌又有幾難,畀少少錢就得!」
根據香港現時法例,《公眾衛生(動物及禽鳥)(售賣及繁育)規例》(俗稱《139b》),違反發牌條件及非法售賣動物的罰則分別為50,000元及100,000元,而當中發牌監管住家繁殖的牌照大致分為甲類及乙類,前者可飼養四隻或以下的母犬作繁殖用途,後者則可飼養五隻或以上。
麥志豪呼籲,現屆政府儘快為相關動物法例提出檢討:「香港喺監管寵物店同埋私人繁殖者嘅發展步伐,仍然同外國有一段好大嘅距離,已經有好多西方國家例如美國洛杉磯經已禁止寵物店賣狗;另一方面香港相關監管嘅法例其實都系時候檢討,呢個先系最折衷嘅方法,去杜絕促銷事件。」