狼狗女兩遭遺棄　幸得港男暫養：「咁乖都唔要好陰公」

善心人Steve Chan最近在社交平台狗狗群組「香港業餘德國牧羊犬（狼狗）俱樂部」上發帖表示，由於自己沒有辦法再額外負擔多一隻由朋友家中得來的棄養狗狗，因此希望有善心人可以幫忙領養，給狗狗一個溫暖的家庭。

相關文章：皮包骨獒犬體重只餘正常一半　獲救後完美蛻變展開新生

本月初，Facebook狗狗群組「香港業餘德國牧羊犬（狼狗）俱樂部」中，有一位善心人Steve Chan 在群組中發了一則帖子，內容大概表示自己正暫養一隻1歲大的狼狗女，由於家中已有3隻狗，未能夠再負擔多一個生命，因此希望得到有心人的協助，領養狗狗回家。

相關文章：9歲松鼠狗大雨下於西貢走失 主人每天四出尋找盼重聚

Steve接受《香港01》訪問時表示：「呢一隻狼狗Coco係我嘅朋友唔養畀我暫托住先嘅，至今我其實只係養咗佢一個幾禮拜，但奈何我真係真係負擔唔起多一條生命，因為我屋企已經養咗三隻狗狗啦，本身都無諗住再養，但係見到Coco咁慘我真係唔捨得扔低佢由佢自己自生自滅。」

品種： 德國牧羊犬 (狼狗)

性別：雌性

年齡：1歲多

毛色：黑色

身體狀況：雙腳後腿疑因長期困籠導致發育不全，行走時不能太迅速

相關文章：貴婦狗天水圍走失逾1年 主人不放棄尋狗 曾耗費10萬為牠做手術

Steve表示Coco經已前後兩次經歷被遺棄，「第一任嘅主人嫌Coco耳仔Dup（下垂），所以決定棄養；第二任主人就係我朋友嚟嘅，佢早排生咗BB，發現BB對狗狗有過敏情況所以交咗畀我暫托。宜家想請人領養，喺真係無可奈何嘅情況下我先出Post求善心人領養，其實我宜家養緊嘅狗狗都係領養返嚟，如果真係養到佢（Coco），我點解唔養埋呢，佢又咁乖女，真係好陰公…...」Steve握著拳頭，無奈說道。

狗狗現時雖有善心人Steve暫時的照顧，但Coco的身體情況都令他十分憂心，「Coco以前因為成日困籠嘅關係，佢兩隻後腳都生得唔係咁好，行路會跛下跛下，有時見到佢咁我真係好揪心。」Steve說道。除了從網上的渠道中尋找善心人，Steve亦希望可以借助《香港01》的平台呼籲若有善心人可以領養Coco的話，可以致電9813 2519與他聯絡。