4隻貓B被棄元朗垃圾站 好心人拯救收留：仲有一隻未搵到
撰文：李玉儀
出版：更新：
昨日（27日）網民Mickey Myl（下稱馬小姐）於Facebook Page發帖「求救」，稱元朗有4 隻貓BB被遺棄元朗田下路新村垃圾站。先找到的兩隻貓BB眼睛有傷，且相當虛弱，隨即已獲義工協助照顧， 之後再找到一隻，現暫由馬小姐照顧收留。
據馬小姐接受《香港01》訪問時表示，當時看到丈夫的訊息指一名伯伯將載著4隻貓BB的紙箱棄置在垃圾站，隨即趕到垃圾站「救貓」，但卻只有一隻橘色的小貓在箱內，眼睛看著朦朧的，而且已經奄奄一息，「再搵下，就見到仲有一隻黑色嘅喺附近嘅地下，為咗等佢哋無咁驚，我將佢哋放埋一齊，佢都好細隻好虛弱，我唔知點做好，所以就post上Facebook求救，好快就有貓義工話喺附近，嚟接走咗佢哋兩個，幫佢哋清潔同保暖」。她指貓義工怕她擔心，在一段時間後告訴她貓BB的最新情況。
更多相關文章：朗豪坊、洪水橋、威院 過去三個月被遺棄及走失的狗狗現況如何？
「唔放心！好似仲有兩隻」
將兩隻情況較危險的小貓交託義工後，她記得丈夫的訊息提到有4隻貓BB，於是不放心，繼續尋找，經過一番努力後，她在公廁附近找到一隻比先前兩隻體型大一點點的貓BB，馬小姐指牠的動作迅速，因此找朋友協助，朋友更被受驚的小貓咬傷。他們帶小貓到診所檢查，發現呼吸道有點問題，除此外，小貓健康尚可，獲救後現暫由馬小姐收留照顧。
「仲有一隻未搵到」
馬小姐訪問時以擔心的語氣表示，尚有一隻貓BB未能尋獲，當日她已經來回好幾次，「我來來回回咗5次左右，都搵唔到第4隻，我,琴晚凌晨都有再去搵，都係搵唔到」，已找到的3隻貓BB暫時情況穩定，希望能夠找到剩下的一隻貓BB。