【帶狗行商場．有片】狗狗唔准入商場？　智能「停泊區」幫到你

入商場、去餐廳，邊到都唔帶得狗狗，好Sad。
其實有時狗主只係想在放狗時，去超市買支水飲，但將狗狗綁在超市外，又怕狗狗走失。點算好？
呢個「Dog Parker」（狗狗停泊小屋）可能幫到你！

設計超完善  狗狗好舒服

「Dog Parker」的玩法係點？好簡單，餐廳、商場、超市、圖書館、醫院等不能帶狗狗內進的地方，都可以在門外添置幾部Dog Parker，狗主入內前，就將狗狗放入Dog Parker，以智能卡開關Dog Parker的門，狗狗入內後就關門，唔怕「走狗」

會唔會好焗？放心！呢個停泊小屋設計得到獸醫認可，除了冷暖氣俱備外，還有清新空氣模式、恆溫系統、紫外線自動消毒殺菌，Dog Parker公司又會每天派人來徹底清潔小屋。而且小屋內設有CCTV，主人可以透過手機，隨時check住狗狗。咁就放心晒啦。

「Dog Parker」（狗狗停泊小屋）點用架？即刻睇相啦！

令社區多一個途徑與狗共融

Dog Parker的設計者Chelsea Brownridge來自美國Brooklyn，他指，「這不指是為了方便狗主和狗狗，這也令店主可以多一個方便途徑歡迎狗狗。」

Dog Parker已不是概念產品，它已經投入生產，今個月在芝加哥、三藩市、洛杉磯、波市頓的街上，將可以見到Dog Parker的蹤影了。

喂！香港都非常有需要喎，不如考慮下香港呢個市場啦！