【Pokemon GO救貓】捉精靈捉到趴坑渠救貓　90後女生：污糟唔緊要

車底搭「順風車」

那隻很醜的貓BB唔係「喵喵怪」，而係叫「啱豬」，被救起時牠只有1個月大。那晚Jade在上水石湖墟附近捉精靈，聞說某處有「薰香」，可釋放神秘香氣，吸引小精靈，Jade就朝着香氣走過去，途中卻聽到貓叫聲。Jade初時以為聽錯，但喵聲叫個不停。後來在一輛私家車底，終於發現叫聲來源。

「貓BB在車底下，渠蓋上，我馬上趴低救牠，向牠伸手幾次，牠卻非常怕人。當時還下着細雨，經過的街坊過來為我撐傘，我也顧不了地面有多骯髒了。」Jade大讚上水街坊心地好。

車主說他從沙田過來，估計貓貓跳上車底，搭了一躺「順風車」來到上水，與家人失散了。

靠嗲功成功留低

啱豬也全身濕透，滿面鼻涕眼水。「好醜樣。男朋友當時正在上班，興奮地叫我把貓貓的照片傳給他。當男朋友收到照片時，心情一沉，他也覺得真係好醜樣，叫我帶完佢醫生後，或者為牠尋家吧。救起啱豬剛好是農曆七月十四，我又擔心不吉利。」

苦命的啱豬還要確診患上貓流感（cat flu），或許牠知道自己樣子不討好，於是就出盡「嗲功」。「牠不停地喵喵叫，喵得有點煩人。男朋友說牠似個alarm（鬧鐘），想幫牠取名alarm，但我嫌太難發音。最後取其諧音叫牠做『阿啱』。」

取了名字，代表產生了感情，啱豬繼續每天「痴到實」，發揮喵星人天性。「一摸牠，牠就發出呼嚕呼嚕聲，嗲到不得了。其實我家中也有一隻老貓，想多養一隻，但一直都找不到領養，遇上啱豬也是緣份。」

啱豬現在已經1歲，還愈大愈靚仔。這隻「小精靈」非常厲害，不時跟Jade去街和露營。

這個故事告訴你，喵星人有十萬種方法征服人類，所以切勿「以貌取貓」。

想睇啱豬去Camping？即刻Click入：（有片）貓貓去西貢露營俘虜人類 主人：全人類幫佢拎罐罐和砂盆 及 （有片）貓貓露營10大攻略 要顧及生態 90後女生自製手提砂盆