【Ben Sir研究院】黃色笑話兒童不宜　「減甜」先至適合一家大細

Ben Sir(歐陽偉豪)在TVB開節目《Ben Sir學堂》教講粗口而成名，無綫見節目都叫做有迴響，所以添食俾Ben Sir開拍第二輯《Ben Sir研究院》。由學院升Lv做研究院，在每個星期日繼續為觀眾探討香港粵語諺語、潮語同埋粗口的來源。

周日(5日)播出的《Ben Sir研究院》，節目確有學習性，不過一些節目內容卻經常講咸濕話題引觀眾注意，例如講女性G點，又例如當講到唇時竟然問係邊一塊唇，惹人遐想。在節目中亦有講起雙非的起源，雖然內容有點黃色，不過亦可以令人知識大增。其實節目三個女主持人當中，有現在當紅的麥美恩做下靶位，加上Ben Sir近似星爺的說話技巧，的確有其吸引之處，不過周日收視平均只得14.7的收視，似乎收視不似預期。

其實收視不振，睇網友評論都大概可以睇得出，網民留言亦大多對呢個節目有反感，例如話「一樣風格重複多次，已經再無新鮮感」，仲話教人講粗言穢語係一個下賤節目。不過公道講句，找尋來源唔等於教你講，講唔講都係要自己決定，不過如果可以減甜，應該會比較適合成家睇囉！