王君馨貼素顏照真正原因：挑剔自己個樣搞到好唔開心

王君馨（Grace）早前於IG上載素顏照，並寫下愛上自己的缺陷美，隨即獲網民大讚係brave beauty。Grace呢晚出席「電影工作者總會春茗」時，就話貼相背後嘅原因，並非純粹為慶祝三八婦女節咁簡單。

「自從去完米蘭返嚟之後，開始對自己個樣好挑剔，骨膠原又好似少咗啲紋又多咗，會好唔開心。」說穿了，當然是因為歲月催人老，Grace自言對上天賜予的五宮感到滿意，而老公亦十分喜歡她素顏，但年齡呢家嘢，真係無得好講。「我老公成日都話我好好，咁因為佢係我老公先咁講，張相本身係影畀班好姊妹睇，亦都畀埋fans，因為我見依家好多人唔用美圖好似就唔見得人咁，我希望大家可以面對同欣賞最真實嘅自己。」

Grace指人永遠都唔會滿足，常常都會抱著「就算幾靚都好，依然可以覺得更靚。」就好似她雖滿意自己的外表，但也希諗過要進行美學手術。「我連雙眼皮都唔敢割，但真係諗過35歲之後要去打針，以維持自己依家呢個樣。」Grace表示近年極積做gym，希望35歲時有埋健康美，咁到時就大可放棄打美容針。