郭羨妮女兒不知媽媽是港姐冠軍 「佢成日以為我係警察識開槍」

郭羨妮自2015年離巢與TVB結束16年賓主關係之後，除了偶爾出席內地活動外，她於2016年曾拍攝港台劇《女人多自在5》。翻查資料，2年前的《無雙譜》已是她在TVB的告別作。今日（3月8日）她終於出席與電視台有關的活動，不過並不是老東家TVB而是有線電視。

郭羨妮今日（3月8日）出席有線電視與福斯集團的聯合記者會，就提到自己十分喜愛《Walking Dead》《Friends》《Sex and the City》等美劇。郭羨妮接受《香港01》訪問時説：「我真係好耐冇睇港劇啦。差唔多10年冇睇港劇。我自己就prefer睇美劇。所以我唔知而家香港播咩劇。我之前都有拍香港電台嘅劇，我覺得OK㗎。」又透露最近忙自己5歲女兒的升小學事宜。

不過要說最有趣的，莫過於是郭羨妮的女兒並不知道她是個演員。「佢唔知我係港姐，佢淨係知我會喺電視出現，著啲好靚嘅衫、化好靚嘅妝、影好靚嘅相。（有冇睇過妳演嘅劇集？）正式睇就冇，不過就有睇過啲片花。因為我個trailer係警匪片，開槍嘅。跟住佢就成日以為我識開槍，佢就話將來想做警察，因為媽咪都識開槍。」小朋友真係可愛，估唔到郭羨妮囡囡會以為郭羨妮係警察。