【波士早晨】李佳芯破天荒著三點式拍劇　原來私底下勁保守

上星期大家就睇完《平安谷之詭谷傳說》之後，劇情好彩都未算太爛，雖然都係TVB最常見嘅happy ending，但都幾新鮮因為由BBQ變咗燒炮仗做大結局。至於今晚就有拍完三年先出街嘅《波士早晨》，最令人引頸以待嘅就一定係時隔一個月又有佳芯BB睇喇！今次Ali係劇中飾演嘅Roxie姚洛施係一名「放電秘書王」，因為其美貌在工作上當然係如魚得水，但性格就誇張造作兼妒忌心重。我相信劇集最有睇頭一定係佳芯BB首次著三點式示人呀，仲有片有真相！btw說好的禁色令呢？！

相關文章：

《波士早晨》終於出街　李佳芯唔怕再見3年前舊樣：擔心太幼嫩

【波士早晨】陳慧珊被飛出宣傳海報　黃智賢：劇中Flora仍有戲份

劇中Ali在工作上會以美色做武器，仲利用男人為踏腳石，一步步向上爬。由於佢嘅上司係最幫公司賺錢嘅人，Ali嘅地位因而坐大，風頭一時無兩，仲會用樣貌及鞋踭尺寸去比喻秘書職位高低，簡單啲嚟講係一個「心機女」！另外，她為了討好上司就同人夫洪永城發展唔見得光嘅戀情，好可惜洪永城唔會俾任何承諾Ali，二人只係維持一段情慾關係。

其實前幾年Ali受訪時曾表示過在電視中，唔太想以泳衣示人，仲話如果接受到應該一早參加咗港姐。她其後亦透露私下絕少着比堅尼，去外國嘅時候影過一次，但強調自己因為唔想曬黑，所以游水都係着「阿婆」著嗰啲一件頭！所以今次粉絲要落足眼力喇！