傳TVB出手低做冇癮想離巢　陳豪：我主要睇返合作團隊

睇番TVB近年花旦小生走得一個得一個，今日就有報導指連曾經奪得視帝的陳豪亦即將約滿，之後就正式同無綫十七年的賓主關係。陳豪更有意展望神州北上賺人仔幫捕下家計，據悉近年TVB有不少劇集都利用他帶領一班新人，當然係好無癮喇！陳豪今晚出席台慶劇《誇世代》慶功宴時，當然被傳媒追問此事，其後他接受《香港01》訪問時就直接否認傳聞：「合約其實仲有一段時間，但我3月真係去內地拍劇，拍咩劇就等佢地再公佈喇！」

報導指陳豪在5年前已經有外闖念頭，但當年撞啱陳茵媺意外懷孕，他逼要續約用來換上太太停工不用拍劇的條件。他對於此事都係一笑置之，指太太好支持佢到內地發展，亦唔擔心會同小朋友少見面，「佢支持我就等於我支持佢一樣，咁到時我都會抽返時間返嚟一兩日，或者到時佢地又可以嚟探我！ 」據悉，TVB亦有因此多次找陳豪傾合約，但次次陳豪都不動筆簽約，皆因TVB出手低。他聞言後亦有解釋，「都唔可以咁講，我主要睇返合作團隊，唔係傳聞中咁講。」

提到今年3月阿Mo仲會離開香港3個月首次到內地接拍電視劇，眾所周知陳豪嘅普通話一向都好「普通」，問到有無搵老師學習，陳豪笑言，「我第一套劇就係拍國內劇，對白都係我自己讀，所以完全唔擔心。」阿Mo最後仲自誇係「國語王」，唔知點解大家咁擔心佢嘅普通話！