【長相思】楊冪豪使8億買版權 為捧迪麗熱巴去到盡
撰文：蘇國豪
出版：更新：
去年楊冪主演古裝劇《三生三世十里桃花》大收，使她人氣再次急升之外，更因此捧紅了她旗下有份出演該劇的演員，更使她公司進帳50億人民幣，可以話大豐收。近來繼與阮經天合拍古裝劇《扶搖皇后》後，又傳出她大手筆以8億人民幣買下小說《長相思》版權改篇為電視劇，女主角人選更鎖定旗下藝人迪麗熱巴，消息傳出後一班視迷紛紛吐嘈，表明迪麗熱巴根本撐不起女主角一角，部部古裝戲都屬於她已經出現電審美疲勞，叫楊冪自己主演仲好。
《長相思》事實上又係《三生三世十里桃花》啲Friends，係《山經海纪》系列的第二部，講述蚩尤和西陵珩的女兒小夭同青丘公子塗山璟﹑相柳﹑顓頊之間的恩怨情仇的愛情故事，該小說深受不少書迷鍾愛。正正因為又係大IP劇，自自然然會引來不少關注，絕對是會爆紅的一部劇。
楊冪近年就是睇中大IP劇有市場，就睇中《長相思》一舉以8億買下版權，據知這部劇她將不會自己出演，而是買來給迪麗熱巴做女主角，可見其幾受老闆寵愛。不過不少電視友知道後其實都唔睇好，皆因迪麗熱巴過去出演的古裝劇大多唔收得，大家都看不下去，根本還沒有資格當上女主角，望楊冪自己出演更好。
據知，《長相思》男主角找來人氣小生黃軒主演，黃軒出晒名好戲加上又有人氣，該劇絕對是會爆的一套。睇嚟楊冪不止表演了得，投資眼光都一流，難怪這麼受歡迎。