【平安谷】肥貓德德拍過古天樂電影　仲有對白絕對唔係茄

肥貓寶貝貓奴可能未必識，但如果說無綫劇《平安谷之詭谷傳說》中的肥貓德德，大家就一定見過，劇中三奶奶朱晨麗出場時，很多時也抱着牠，肥嘟嘟的德德真身是英國短毛貓仔仔，近8歲的寶貝，而網民大讚寶貝得意可愛外，仲話牠淡定識做戲，完全不怯場，原來寶貝見慣大場面，更曾在古天樂的電影《喵星人》中出場，而且有對白，絕對不是大茄。

寶貝的最大特徵，是肥嘟嘟的身材，牠主人Mandy表示，寶貝在拍攝《平安谷》的時間最重，足足有9.3kg，「其實佢個體格係咁，比較大隻結實，唔係肥肉嚟，不過依家都減咗2kg，減咗少少。」對於寶貝如此受歡迎，Mandy也覺得好開心，而且愛貓拍劇純粹是為留念，不大計較酬勞，而寶貝更多次在貓展中贏得冠軍，對陌生環境完全唔怯場，所以到錄影廠拍劇表現淡定入戲，監製、演員也十分愛錫牠，請她吃零食及摸牠貓毛、跟牠玩耍。

相關文章：

【平安谷】肥貓德德識望鏡頭交到戲　網民笑朱晨麗最大作用係抱貓

【平安谷】肥貓德德賣萌仲識演戲　想氹掂佢除咗零食仲靠一樣嘢？

【平安谷】監製陳耀全透露德德係關鍵角色　「佢會幫到受傷小璇」

不說不知，其實寶貝並非首次幕前演出，原來Mandy飼養了廿多隻貓咪，在朋友介紹下，有7隻被選中拍攝古天樂的電影《喵星人》，而寶貝不但是其中一隻貓演員，而且角色有名字叫「二長老」，不要以為牠只是過下鏡，原來寶貝還有對白，試過電影演出之後，再到電視城拍劇，寶貝的表現當然獲得觀眾讚賞，相信很快又可以見到牠的演出。