【ViuTV】何君堯着老西與周庭同遊東京　「矛盾對決」無交流

主打實況娛樂節目的ViuTV今日開台，而今晚首播的重頭節目《跟住矛盾去旅行》，未出街已成為熱話，事關對對拍檔花生味濃，包括梁國雄與曾鈺成去波蘭、林日曦與蔣麗芸去韓國等。至於有「學民女神」之稱的學民前發言人周庭，早前因拍檔全國政協前委員劉夢熊的官司問題，要臨時改由嶺南大學校董、律師會前會長何君堯補上，「政見矛盾」的兩人，昨晚終於齊齊出發飛日本。

氣氛尷尬

ViuTV昨晚在Facebook上載兩人出發片段，一如所料，兩人由抵達機場到上機，全程零交流兼保持距離，氣氛相當尷尬，而事前周庭已講明「敵不動，我不動」，只會簡單打招呼。不過講到現場最矛盾，莫過於兩人衣著，何君堯凌晨上機都穿上全套西裝，表情嚴肅，果然夠莊重，相反周庭則一身便服，神態自若，與何生有強烈對比。而一班網民亦食住花生等睇戲，並留言叮矚周庭要小心：「小心怪叔叔！」、「辛苦哂啦周庭BB。」亦有網友「騎劫」該post，笑言：「好想睇懷仔同嫻姨姨這對！」