【溏心風暴3】大結局套路一成不變 未做都已經估到TVB想點喇
撰文：黃梓恒
出版：更新：
《溏心風暴3》終於都大結局，結局的套路當然傳統到不得了，阿九（黃宗澤飾）良心發現，入獄後變回一個正常的阿九，得到家人的原諒，出獄後更加立即和阿爽（黃翠如飾）結婚，大團圓結局。至於以愛（陳敏之飾）也和宋友基（黃智賢飾）開心結果，即使再見到阿Nic（唐文龍）有新歡也已經沒有感覺，黃家和許家終於變成一家親，Kyle（王浩信飾）和Belle（岑麗香飾）有情人終成眷屬，連許二少（李成昌飾）兩公婆都從他人口中得知他們做返好人，事事向好。
當然，劇集鋪排得最耐的當然是還在醫院昏迷的正爸（夏雨飾），不過其實個個都會估到，佢最後一定會醒返。果然，在劇終前的一幕，當許大少（李國麟飾）在醫院探完正爸，準備開門走人的時候，正爸突然醒返，仲叫了一聲「恩公」，之後就出字幕完場。其實TVB有無一個想法，就是自己的劇情常常都被猜到，真的有點無聊？如果正爸一直昏迷不醒，可能大家都會覺得還可以，現在又毫無新鮮感地彈起身，這個大結局老土到爆！
【任噏亂評．溏心風暴】網上盜睇唔係收視差借口 TVB幾時認輸？
【任噏亂評．溏心風暴3】一套脫節嘅劇集 不如搵農夫Do姐拍劇喇