【平安谷】陳凱琳幫劉江查出中毒真相　原來黑手係蘇玉華

《平安谷之詭谷傳說》星期一首播一開波就講寡婦陳瀅要殉葬，搞到好多觀眾都以為TVB新年播鬼片，其實呢個只不過係劇集嘅伏線。最重要都係要睇一班男權壓迫、欺凌的女子點樣暗中結盟，對男人進行復仇。昨晚第三集就講到身為平安谷村長的劉江懷疑中毒，陳凱琳誓要幫他查清楚之餘， 並得悉他每日都會定時探訪4位妻子，陳凱琳懷疑劉江是被妻子們落毒。

相關文章：
【平安谷】影相會攝人魂魄？　其實慈禧都係相機發燒友
【平安谷】黃浩然選擇同陳凱琳私奔？　男仔原來會俾亂棍打死
【平安谷】陳瀅慘遭殉葬　現在仍有地方保留恐怖習俗？ 

《平安谷之詭谷傳說》賣點之一就係一班女演員會被劉江虐打，拳打腳踢。今晚終於出現第一幕，皆因原來劉江會中毒係因為蘇玉華每日俾嘅杏仁茶，原來係每日負責磨粉嘅人搞錯，將會導致中毒的北杏磨成杏仁茶。他隨即就在大庭廣眾前拳打腳踢蘇玉華洩忿，雖然阿蘇不停向他道歉，但難掩劉江嘅憤怒仲話，「你個賤人想謀殺親夫，我死咗對你有咩好處!」。她的女兒小璇見到母親被打就上前保護對方，點知就變一齊受罰。雖然蘇玉華是家族的當家，處處幫劉江打點家族的家頭細務，但其實劉江一早就對她十分不滿，因為咁多年都未有為他傳宗接代，更帶着「油瓶女」。

劉江其後就十分感激陳凱琳幫他查出真相，並召集村民指出何啟南被相機攝魂係無稽之說，宣布取消陳凱琳誤闖祠堂的懲罰，但就不肯承認桂思是其兒媳。仲會講埋龔嘉欣會由家族嘅妹仔做到家族四姨太嘅原因，當然係因為希望可以有人再為家中傳宗接代，所以就向呂珊保證再娶多個就夠。而劉江就睇中了在家中做妹仔嘅龔嘉欣，就設局迷姦對方，好令對方懷孕後一定要做四姨太。