【平安谷】御用奸人鄭子誠演獸醫 同沈卓盈有感情：今次唔算奸人
撰文：林迅景
出版：更新：
要數最多電視迷記得的，並不一定是小生花旦，反而演奸人的，演丑角的，才能給人留下深刻印象。說起奸人的話，其中的表表者一定是鄭子誠，甚至乎説他是「TVB御用奸人」也不為過。
《平安谷之詭谷傳說》中，鄭子誠就一反往常，唔再做奸人。「喺劇入面飾演一位從日本留學回到中國的西醫，因為太太過咗身，所以我就帶住我個女（簡淑兒）嚟到平安谷呢個地方。但係當時社會係唔相信西醫，所以我就由西醫變成獸醫，仲要幫馬同狗接生。後尾我就住咗喺一個中醫師屋企，而佢個女就係沈大師（沈卓盈），再之後我就同沈大師發生咗段愛情故事。」鄭子誠還稱今次不用再做奸人：「今次呢個角色唔屬於奸人範疇，但係嗰個角色就會好陰沉，因為佢懷才不遇，因為佢嚟到一個冇人認同佢專業知識嘅地方，所以佢做得好鬱鬱寡歡。」