【誇世代】70歲姜大衛拍擂台戲唔用替身 最鋒利嘅刀係唔會生銹嘅
撰文：李妍樺
出版：更新：
台慶劇《誇世代》仲有幾集就完，大家越追越起勁，究竟陳豪有幾癲，玩完穿越再玩蝴蝶效應，嚟緊仲會出現喪屍，港劇嚟講真係前所未有。
當大家都好緊張估緊大結局時，有份參演做宋佳佳嘅麥明詩就回帶，喺Facebook度分享一條鏡頭外姜大衛打擂台嘅片，姜大衛喺劇入面做Bobby嘅阿爸，就叫宋禮，嗰集就講佢患癌，但為咗完成心願堅持親身上陣完成擂台比賽。
雖然成日睇姜大衛廣告話「再鋒利嘅刀都有生銹嘅一日」，但姜大衛本人就一啲都冇生銹，雖然已經成70歲，但拍擂台嗰時大部分佢都唔用替身，選擇親身上陣，但睇條片完全係好fit到震，動作鏡頭完全難唔到佢，企喺隔離拍片嘅麥明詩都話：「John哥咁專業嘅精神，我問心自愧不如。」