【後生仔傾吓偈】麥明詩中學被非禮 話校服出事：可能有Fantasy
撰文：郭敏玲
出版：更新：
麥明詩早前在Facebook講到試過被人性侵的言論鬧得熱哄哄，雖然她不想網民重點放在被侵犯的細節，而是女生們面對性侵時怎樣保護自己。不過，今晚的《後生仔傾吓偈》，講起乘搭交通工具題目，麥明詩首先提到中學時期試過被非禮，還要有兩次。
麥明詩講到中二時有兩次被非禮的經驗：「當時我著緊校服，唔知係咪會有啲fantasy，當時就好逼，我同個中年男人面對面，起初都唔為意，但望望下發現佢隻手（呈反手狀，有意揭起麥明詩的裙子）咁樣，咁我就好驚喇，我係度諗咁我不如轉身喇，但佢又可以做其他嘢，之後我就好驚咁落車，點知上到電梯，發現有人突然好貼我，我擰轉面發現又係嗰個人。」麥明詩第二次被非禮的地點就在巴士上，但就沒有詳細細節，兩次都被中年男士多手非禮。
+4
而麥明詩講起當時只得12、3歲，當時未認識到法律，所以遇到被非禮，她就非常害怕：「當時仲細其實唔係好識反抗，而家有呢啲經歷嘅時候，又唔係好想講出口。而且如果要告，其實又好難告得入，又冇實則證據，佢可以唔認非禮。」所以麥明詩當時選擇了啞忍，仲話：「唔知點解遇到嗰個時候，係唔會嗌。」