【IP劇場】《九州．海上牧雲記》成績亮眼 遊戲版逼真玩到上晒癮
話咁快又到星期日，又係《IP劇場》嘅時間，大家都知道近幾年內地不停拍一些IP劇（Intellectual Property，直接翻譯代表為「知識產權」），《甄嬛傳》﹑《琅琊榜》…等等都大受歡迎，正正因為這樣造就日後不同的IP劇泛濫。其中講到一種由魔幻題材小說改篇的IP劇，近年畀觀眾印象都唔算好，五毛特效又Key圖又PS效果極差，《幻城》﹑《孤芳不自賞》﹑《九州·天空城》…令人大失所望口碑強差人意。不過最近一部魔幻劇《九州·海上牧雲記》就打破被嫌棄的宿命，竟然大獲好評，除了電視上取得好成績之外，推出的同名遊戲版亦令人有讚無彈大家玩到上晒癮。
《九州·海上牧雲記》改編自小說家今何在於九州架空世界觀系列作品當中的一部分，從2015年宣佈開機拍攝，到2016年5月殺青將近9個月時間拍攝製作，動員超過50000人次參與，未播就已經令人想睇。據知這部作品在預告片播出近一年的情況之下，遲遲都未能定檔檔期一波三折（退片﹑延播），最終在上月決定播出無論劇情﹑特效都做得好好，令不少電視友都表示等咁耐都係值得嘅。
《九州·海上牧雲記》講述的是九州大陸上，黃軒飾演的人類皇族牧雲家的六皇子牧雲笙與瀚州八部落的後人碩風和葉（周一圍飾）以及竇驍飾演大將軍之子穆如寒江三者之間的家國情仇，齊齊爭奪天下的傳奇故事。劇集既然會圍繞一些魔幻情節，就當然少不了許多廣闊的畫面，而劇組亦為了令劇情更有真實感更不惜實地取景有草原、湖泊﹑雪山，完全唔靠綠幕Key圖，視覺上令人睇得十分享受。服裝上更找來台灣時尚教母黃薇擔任形象指導，配上魔幻題材製造精美華麗衣服，突出每個族群的特色，令觀眾更有投入感；拍攝手法更是利用了不同角度如廣角鏡頭等拍攝，睇的時候畫質猶如一部電影，使人投入一種魔幻世界之中。
正正因為《九州·海上牧雲記》超過預期製作，精心炮製的畫面還原度高到與小說一樣，在視覺上已令一班書迷大讚，再加上該劇演員個個都是實力派，自自然然獲得高分，該劇一首播就破億人次收睇，豆瓣更給予8分以上，成績亮眼引起煲劇熱潮。
作為一部未播先紅的劇，《九州·海上牧雲記》早年更被網易影視睇中打造遊戲版，隨著電視劇播出這個遊戲亦全面推出，令九州迷玩到不能自拔。《九州海上牧雲記》遊戲完完全全秉承高度還原，無論背景﹑角色﹑配樂﹑建築都與劇集達成共識，而且遊戲中還可以進行對話，甚至加入了24小時真實天氣系统，令玩家在九州中玩得更投入。正正因為代入感﹑還原度強以至不少玩家大玩特玩，邊睇劇邊玩更有一群玩家玩到上晒癮打來打去令他們身邊朋友不滿， 可想而知IP劇的影響力有幾大。
事實上，IP劇的影響力最重要是原著小說多人支持，其次參與演員都是人氣之星，再來還原度夠高，這一些條件具備相信唔會差得去邊，而《九州海上牧雲記》受歡迎正正有以上原因。