林志玲言承旭大馬飯店蜜會世紀復合？ 經理人回應有可疑
近年愈來愈多女士，可能因為跌過痛過，又或者男女比例差距愈來愈大，不敢再奢求遇到相知相愛嘅另一半，每當有藝人兜兜轉轉多年再復合的消息，才令大家又再相信愛情，糾纏15年的言承旭林志玲，最近被影到於馬來西亞酒店前後腳現身，其後更被影到一齊去健身，林志玲在櫃檯簽名，言承旭在後面等待，默契十足，世紀復合消息更添真確性。
近日林志玲於馬來西亞工作，前日行程已經結束，呢兩日係私人行程，剛好喺呢個時間，有人目擊言承旭現身吉隆坡機場，戴住口罩同帽，身邊並無助手或經理人，感覺似係渡假而非工作。令馬來西亞媒體起疑立，刻趕到林志玲下塌酒店守候，果然等到言承旭同林志玲一齊出現。兩個人以全黑情侶裝現身一齊落車，快步行入酒店搭電梯上房。11號更有網友影到，佢地穿著全黑運動裝扮一起上健身房，林志玲在櫃檯簽名，言承旭在後面等待，默契十足。
連日來林志玲都有喺網上報告行蹤，9號貼上泳衣照話：「Malaysia巧遇陽光。」被影到同言承旭一齊現身後，12號凌晨又貼上一張房間內嘅靚相同大家講晚安，心情似乎相當唔錯。不過最詭異嘅，應該係林志玲台灣經理人回復傳媒查詢時話：「我人在台灣，沒有跟她去馬來西亞，我不知道耶。」並無否認二人見面，大大增加復合傳聞可信度。
林志玲曾經喺節目中講過，佢同言承旭仲係模特兒剛入行時已經認識，02年版傳媒影到佢地一齊睇戲至今，已經糾纏足足15年。05年初林志玲手機維修意外流出二人身穿浴袍嘅合照，同年7月林志玲拍戲墜馬跌斷肋骨，言承旭不理大批傳媒守候衝去探望。當大家以為佢地會開花結果時，二人又傳出分手消息。
多年來佢地每次露面，當傳媒提起對方嘅名，表情都會瞬間變曖昧，回顧言承旭今年5月出席活動，被問到二人關你，佢坦言同林志玲其實一直有聯絡，被問是否有望復合時更大方表態「（復合）要看她」，被追問是看林志玲願不願意嗎？他再次以肯定語氣回應：「對啊，應該要看她的態度。」顯然只等林志玲點頭。外傳因為言媽媽年紀大想抱孫，今年40歲嘅言承旭亦開始認真考慮「定下來」。難得嘅係呢段姐弟戀，雙方粉絲似乎都非常受落，紛紛留言祝福，希望見到佢地可以開花結果。