【使徒行者2】黃翠如一集喊三次　識喊等於可以爭視后？

《使徒行者2》播映以來，女主角黃翠如一直被網民批評演得差，或者一出場就令套劇膠化，不過劇中卓sir三哥就力撐她是今年視后，說她演得好出色，這個「獨到」的看法，原本都令網民好驚訝，但自昨晚騰訊視頻優先播放後，大家看到翠如BB在第29集，一集有三場喊戲，網民看罷即贊同三哥意見，覺得黃翠如突然間變演技派，其實好戲和喊戲係咪有直接關係呢?喊得勁係咪代表神級演技?

不過首先讚黃翠如在29集的演出，絕對是精彩，三場喊戲都有不同演繹，第一場得知樂少(周栢豪飾)被殺，那種崩潰式的喊法，第二場就是得知天堂哥(袁偉豪飾)打死樂少，傷心得來又掙扎，第三場就是原諒天堂哥，悲痛後的釋懷，以上三場戲黃翠如除了喊，感情演繹亦有不同層次，至少都令人看得舒服，但係咪等於好戲呢?那就見仁見智，不知由何時開始，傳媒或部份網民覺得一位演員好唔好戲，同佢識唔識喊扯上關係，經常聽到人講:「佢真係好戲呀，尋晚喊得好犀利!」「抵佢攞影帝啦，佢喊得好淒涼。」「佢啲戲好屎，喊戲冇眼淚?」等等評論經常見到。

其實一位演員好唔好戲，不應該以喊得好唔好，有冇眼淚作標準，應該是以他演繹的角色有沒有說服力，觀眾看他演出有沒有代入感，能否收起演技的痕跡，令觀眾覺得他根本上是那個角色，不是在演，那就是好戲之人，如果單憑喊戲就決定演技高低，那不如舉辦「喊戲王」選舉，那個最快喊出，最多眼淚就頒獎給他，不過現在大部份人都以一兩場喊戲就定那個演員生死，例如陳偉霆在大陸劇《活色生香》喊得誇張，就將他定為唔識做戲，陳法拉在《衝上雲霄II》亦因為喊得唔好，冇眼淚，又將她歸類為戲屎。但如果以無綫頒獎禮的標準，黃翠如這三場喊戲，亦真的可以其他一姐拗手瓜，做唔做到視后就.....其都唔係睇演技㗎啦。