王浩信公開澄清婚變傳聞：「我同太太一啲事都無，放心」

連日來不停傳出王浩信(Vincent)與老婆陳自瑤(Yoyo)的6年婚姻亮出紅燈，一時又話因為Yoyo不肯追多個小朋友，一時又話Yoyo無法忍耐Vincent太多女伴，一時又話Vincent只是太忙沒空回家，總之傳言滿天飛。不過事件終於可以告一段落，Vincent今日出席化妝品活動的時候，終於向大家澄清一切。

在活動上，Vincent表情自如，從他的面前看不出任何不安或傷感，緊係喇，因為在訪問中他說：「我同太太一啲都無事，放心，我無搬走到。」他覺得十分無奈，表示近日的婚變傳聞都是流料，接二連三否認都依然在傳，他跟太太都希望傳媒高抬貴手：「因為會影響家庭生活，囡囡都大個開始懂事，佢都會聽到我哋呢啲傳聞，我都好無奈。」這些情況更令Vincent無晒朋友，因為同親女同事出街都俾人傳：「我去親打邊爐都會一班人去，唔會話自己入一間房，每一次監制都喺度，最有機會同我喺vip房留咁耐就係佢，女仔一定無可能，我都唔會傻到咁做。」被問到點解會有呢啲傳聞傳出，他說：「可能我哋少放相上網曬恩愛，其實只係我哋性格比較低調，唔太鍾意乜都放上網，所以大家都唔好諗咁多喇。（會唔會抽多啲時間陪老婆呀？）因為而家囡囡要上小學喇，我哋好專注幫佢搵小學，功課又忙，我哋工作又忙，根本抽唔到時間去旅行，二人世界。」

兩人因為合作拍廣告而結識，迅速墜入愛河，結婚以來，除了一開始Vincent還有點花邊新聞之外，一直以來都是模範夫妻的樣子示人，婚後一年立即生了一個女兒，Vincent事業也開始上軌道，絕對是一個幸福家庭。在年尾接近頒獎禮才搞出這麼大件事，會否影響爭獎？Vincent表示：「頒獎禮我唔諗獎項喇，盡力做好自己喇。」傳聞話因為要生B有分歧，他在受訪時指出絕無此事：「唔好俾壓力佢，我係鍾意小朋友，但係經歷過一次之後，我都知唔係話生就生。你都知我有幾忙，但係生B同照顧要花好多時間，我哋暫時都未做住。」