【流行經典50年】黃翊準備出發燒唱片：而家出普通碟冇人買
撰文：陳奕熙
出版：更新：
《流行經典50年》的常客黃翊下集又再出演節目，他笑言今次已經是自己第三次演出，由初時無壓力狀態，到現在居然有點緊張：「因為多人話我唱得好，假若做得唔好自己會擔心。」他直言現在會多擺時間在練歌上，但偶爾生病都會好擔心影響表現。
談到之前講過會出碟，黃翊透露已錄了5-6首歌，正與不同唱片公司商討合作形式：「如果資源情況係好就出大碟，而家做緊Hi-fi格式。我冇唱歌20年，原來而家出普通碟冇人買，所以要做Hi-fi碟。」
對於之前和星夢老闆何哲圖(Herman)食飯，他即澄清話：「個次同Herman傾可能會將個節目擺上紅館，佢問我有冇興趣，同佢識成20年，我又冇係呢行發展，都想同佢取下經，啲人見到就以為我會簽星夢，其實唔係。」