連詩雅唔怕尷尬孖住Soler教英文　扮美容KOL中英夾雜吸人氣

連詩雅（Shiga）中學時就讀香港英基學校協會屬下的英皇佐治五世學校，讀國際學校自不然就令人聯想她的英文應該唔會差得去邊，但喺2013年演員Paul Walker不幸因車禍去世時，Shiga在Instagram Po相悼念佢，可能手快快將「Rest In Peace」寫錯做「Rest In Piece」，引起網民圍剿，仲笑佢係「連Piece雅」。事情告一段落之後，上年她孖住葉蘊儀拍攝旅遊節目《跟住矛盾去旅行》，去外國當然要講英文，聽落Shiga佢嘅口音幾唔錯，但Shiga全程對話都中英夾離，好似「樣樣嘢都要畫格格，in the square、in the box」，令人聽到一頭霧水。買飾物時候講咗一句「My finger is very small.」，又畀人係咁鬧佢係「偽ABC」。

大家可以重溫返Shiga講英文嘅片段：

雖然Shiga成日都畀人借啲意攻擊佢講英文，但你愈驚嘅嘢就愈要去克服佢，今次佢同組合Soler拍攝港台節目《反斗英語》教大家英文，入面她是一個美容KOL，為了吸引大家睇佢，特登就扮「偽ABC」中英夾雜咁拍片放YouTube，然後Julio就會好似大師咁教返佢英文，咁大整蠱？不怕網民又笑她咩，但其實節目都好有教育意義，題材貼合返貪靚嘅Shiga，教大家美容相關嘅英文，好似抬頭紋、魚尾紋、法令紋等等，睇落冇咁Boring又幾Useful，想學English嘅快啲睇返Shiga嘅Video啦！

想學返幾句關於美容嘅英文就一定要睇喇！