【荃灣外賣】由馬拉總廚主理 超正宗馬來西亞菜

市面上東南亞菜餐廳數之不盡，一間餐廳有齊星馬泰菜，雖說係多元化，但追求食得夠「專」嘅朋友，就要試下呢間位於荃灣專門主理馬拉西亞菜嘅「娘惹嫁到」。

大廚係馬來西亞酒店總廚Derek，廚藝已經相當有保証。今次佢特別為我地製作多款最正宗、最巧手嘅馬拉娘惹菜！

先黎個「加拉武沙律」開胃先，加拉武係馬拉好出名嘅一款香茅沙律醬，味道較濃烈，加埋多款爽口蔬菜，清清地夠開胃；主菜當然係「招牌黑果炒蟹」，聽落個名好陌生，其實黑果係馬拉獨有嘅植物，配上總廚Derek特選當造嘅蟹，再加入唔同嘅香料、辣醬，最後再加入黑果，炒到成碟都又香又惹味。呢個「招牌黑果炒蟹」嘅精髓係醬汁，配埋薄餅真係世界一流美食！

娘惹菜色推介：甲必丹咖哩雞腿飯、蘇東喇沙、斑蘭雪梨茶

================荃灣