將藍隧道通車　家庭首入區睇樓即成功上車　呎價8000元有找｜多相

將藍隧道及將軍澳跨灣大橋通車，加上新一批「白居二」出爐，帶動將軍澳區二手氣氛。全區12月至今已累錄約100宗買賣。當中，單計資助房屋12月暫錄28宗成交，將軍澳站居屋寶明苑佔兩宗，平均實用呎價7,955元。

家庭租客首次到將軍澳區睇樓

中原地產分行經理關偉豪表示指，新近一宗寶明苑交投為B座低層17室，實用面積426平方呎，採兩房間隔，單位座向南方，望內園景，連有少裝修，最初叫價398萬元，連番議價後終以綠表價333萬元易手，成交呎價7,817元。

↓↓寶明苑成交單位↓↓

代理指，新買家為外區家庭租客，成功抽到「白居二」資格，即到各區睇樓，適逢將藍隧道及將軍澳跨灣大橋周日通車，過去周日首次到將軍澳區內睇樓，睇了5個單位後，見上址擁企理裝修，可即買即住，即決定加快入市，「唔想再捱貴租」。

至於原業主於2016年10月以297.5萬元購入單位，當時單位未補地價，持貨至今六年，現轉手帳面獲利35.5萬元離場，升值12%。