90後新婚夫婦議價兩小時　即晚擲400萬買尚悅．嶺一房｜多相

樓價回落，上車客出動睇樓，吼準低位入市。有90後新婚夫婦買入元朗尚悅．嶺低層一房戶作為新婚安樂窩。與賣方議價兩小時後，即擲400萬元入市。賣方持貨三年帳面需蝕約63萬元離場。

美聯物業聯席區域經理張瑋津表示，是次成交為元朗尚悅．嶺2座低層B室，實用面積279平方呎，屬一房間隔。單位原用作投資收租，因業主睇淡後市決定減磅套現，單位最初以蝕讓價415萬元放售，及後獲洽購。

↓↓尚悅．嶺成交單位直擊↓ ↓

下午由母親陪同睇樓　晚上即拍板

新買家為90後新婚夫婦，打算買入細單位作新婚安樂窩，昨由母親陪同首次出動睇樓，在參觀元朗尚悅及尚悅．嶺兩個屋苑的單位後，同日晚上7時決定還價。最終業主願意「退一步」微減15萬元，晚上9時達成交易，單位以400萬元沽出，呎價約14,337元。

據知， 原業主於2019年以約463萬元購入上址，持貨約三年，是次易手帳面蝕讓約63萬元離場，單位期內貶値14%，不過期內料有租金收入。連同上成交，尚悅．嶺今年暫錄約28宗二手成交，當中6宗帳面需要蝕，蝕幅由1%至14%。