馬拉松式議價6小時　上車客凌晨1時終打動業主　543萬購綠楊新邨

近期不少上車客四出睇樓「尋寶」，遇心水單位積極鋤價。有上車客睇中荃灣綠楊新邨一伙兩房戶，待其交吉後即帶票睇樓，並議價6小時至凌晨時份，終成功入市。

中原地產首席分區營業經理丘漢偉表示，新近成交的綠楊新邨J座低層2室，實用面積445平方呎，兩房間隔，今年9月開價620萬元，日前租約完結，於交吉當日即獲睇樓客洽購。買賣雙方議價6小時至凌晨1時，業主終被誠意打動，答應減價86萬至534萬元，買家馬上承接，成交呎價12,000元。

丘漢偉表示，新買家為上車客，數月前開始出動覓盤，心儀綠楊新邨，得知上址租約即將完結，遂等候交吉，並在交吉首晚帶票睇樓，見單位裝修新淨，立即還價入市。原業主則於2009年以179萬元買入上址，持貨十三年沽出，帳面獲利355萬元，升值約兩倍。