父母出錢裝修　單位卻變「敍利亞」風格　業界拆解矜貴之處

近日有網民在社交平台Facebook上分享帖文，上載十多張同一單位的裝修相片。帖文以「敍利亞風裝修」為題，並指「因為裝修錢係父母出，裝修完後，父母上咗去睇，差啲斷絕關係。」

相片原來自一台灣Facebook專頁，從帖文相片所見，單位開則呈長形，樓底頗高且空間闊落，然而全屋的天花及牆身多處露出石屎，似是批灰未完，油漆脫落，驟眼看似是未完工，尤如近期熱議的內地「爛尾樓」。不過細看牆身是刻意露出磚塊，及外露喉管，估計是想玩近年流行的「工業風」。有網民回應指，「人為整到咁，難過整全新」、「差啲子彈窿」。

不過，據裝修人士指，此類裝修較一般正常裝修更貴，若然是在香港，樓宇非用紅磚興建，故牆身結構內不會有紅磚，亦即需要先砌一層紅磚，再做一層石屎才有此效果，而香港會接此類裝修的師傅不多，「人工錢貴，也未必包做得靚」，「手工好嘅師傅好少」。

↓↓↓單位相片一覽↓↓↓