港鐵日出康城第11期發展項目 共收29份意向書

港鐵日出康城第11期發展項目 共收29份意向書
撰文:黃捷
出版:更新:

港鐵﹙0066﹚將軍澳日出康城第11期項目今日中午截收意向書,港鐵公司公布,共收到29份意向書。

該項目為港鐵今年首個推出招標項目,坐落於未來「日出康城」商場之上蓋,在港鐵康城站之南面,其住宅樓面面積上限為88,858平方米,提供不多於1,850個住宅單位。

港鐵兒童將餅乾灑滿地 媽媽只罵不清理 網民怒斥:下車不顧而去

撰文:謝茜嘉
出版:更新:

自己的垃圾應該自行清理!有港鐵乘客近日發文公審,有媽媽眼見坐着嬰兒車的子女不慎將一大包餅乾弄灑一地,卻只顧責罵子女,未有清理車廂,隨後更推着嬰兒車在旺角站下車,「遺下一地餅乾不顧而去」。有網民斥責媽媽不清理車廂是故意為之,「佢借啲意扮罵到出門口,但一定唔會執返啲餅」、「淨係鬧個小朋友有咩用,自己執返啦」。

有港鐵乘客近日發文公審,有媽媽眼見坐着嬰兒車的子女不慎將一大包餅乾弄灑一地,卻只顧責罵子女,未有清理車廂。(Threads圖片)

子女將餅乾灑滿地 媽媽只顧責罵

該乘客於Threads發文貼出照片,可見有媽媽推着一部雙人嬰兒車站在車門旁,車上坐着一對年幼子女,媽媽腳旁地面散滿一堆餅乾,身旁乘客均投以目光,注視着一家三口。帖文寫出事發經過,「個小朋友喺車內打開包餅乾然後搞到一地都係,全世界都望住佢哋」,媽媽卻一直只顧責罵,到旺角站後直接下車,在月台「繼續鬧」,「遺下一地餅乾不顧而去」。

網民留言批評,「車廂可以食嘢嘅咩,畀嘢仔女食,仲大大聲鬧仔女」、「其實當個細路一拎包餅出嚟嗰陣,個家長就應該立即喝住『唔准開!返屋企至食!』而唔係任得佢開!」、「家教真係唔係個個有,也唔係個個識」。

港鐵車廂內不准飲食。(資料圖片)

斥媽媽故意不清理餅乾 網民:拖到落車走人

不少網民不滿媽媽只顧責罵子女,未有清理車廂,「鬧唔係畀個仔聽,係想畀人哋『睇』,嗱我知問題我做緊嘢,然後拖到落車走人」、 「正路就攞張紙巾執得幾多得幾多嘅」、「我會講一句:小姐,鬧完未?唔該執返你嘅垃圾」。樓主回覆說,媽媽下車後在月台繼續罵了幾句,至少有30秒,「但係兩個小朋友仲喺度嬉皮笑臉,喺度玩」,有網民認為「做戲做全套呀嘛,如果唔係點樣可以留低餅乾碎唔清」。

有網民分享經歷,指出並非每位媽媽都沒教養,「有次試過一上火車就見到一地都係倒瀉嘢飲,因為架車郁緊所以面積好大,然後有個8、9歲嘅小朋友喺度用紙抹,應該係佢倒瀉然後佢媽媽叫佢一定要抹返。雖然都污糟,但至少教識個仔有承擔」 。

正在加載