【我挑戰自己】周柏豪籃球改進計劃 逆手攻擊篇

撰文:曾柏熊
出版:更新:

沒有難成的事,只要你願意挑戰自己。

挑戰弱項 突破逆手攻擊

街場鬥波,永遠比正式比賽更講靈活性,逆手攻擊是必修課。

在街場及室內場皆征戰無數的柏豪是右手球員,然而當位置被永倫的吳家軒這類本地頂級籃球員封鎖時,不擅左手上籃,便令攻擊受侷限。經家軒指點下,柏豪在短短的拍攝時間內已有進步:「其實逆手上籃,最重要的是假動作要『真』!能夠將守衛引至自己右手邊半個身位,已經算是成功;其次是要留意對手的馬步,重心腳一被騙向一邊,便立即可以運球到另一邊。」柏豪最初都運球不順暢,不過當假動作及迅速轉手後,的確可以將家軒騙倒。另一位「老師」、永倫的張偉康補充:「柏豪勝在移步夠快,你就算意識到他想逆手上籃,但你的動作跟不上的話,他便可以完成任務。」

周柏豪被囝囝發現刷牙步驟出錯遭訓斥:佢喊晒口鬧我唔係咁樣刷

撰文:吳子生
出版:更新:

周柏豪今日(10/2)現身香港電台廣播大廈出席《香港電台乙已蛇年新春團拜》。講到拜年,周柏豪接受《香港01》訪問時表示:「今個新年暫時未去藝人朋友屋企拜年,因為近排都話流感都好嚴重,變咗稍後嘅時間都會去見佢哋,不過今個禮拜公司都會有團拜嘅,但我都會盡可能做足安全措施,例如會戴口罩,同埋都避免去人多嘅地方。」

周柏豪今日出席港台新春團拜活動。(葉志明攝)

講到防疫意識,周柏豪就透露不及囝囝醒目:「其實佢哋學校都教得好好,佢哋洗手都會做得好足,同埋我係會俾個囝鬧返我轉頭,就好似最近佢啱啱學校牙科保健,就教咗佢哋學正規刷牙嘅方法,點知有一日佢見到我刷牙嘅步驟同佢唔同,佢係喊晒口鬧我『唔係咁刷牙㗎』,然後我問佢點樣刷,佢就示範俾我睇係點樣刷。到最後我唯有跟返佢嘅步驟去做。小朋友比較單一啲,佢就會覺得佢嗰樣就係啱晒,咁所以我就唯有配合佢,就係咁我學識咗刷牙,原來咁多年嚟我係錯嘅,哈哈!」

周柏豪大爆囝囝教識刷牙正確方法。(葉志明攝)
最近流感高峰期,周柏豪表示稍後時間才會去朋友家拜年。(葉志明攝)
正在加載