【女足】香港下半場入4球　張煒琪破僵局　大炒黎巴嫩

香港女足周日展開2020年東京奧運的征途，於泰國上演的亞洲區外圍賽第一圈B組首戰，以4球大炒黎巴嫩，取得一個好開始。雖然全取3分，但梅開二度的韋婉婷並未滿意，「希望將目標定高一點，一起成就更多。」

香港女足上半場表現緊張，雖有機會，但未能好好把握，只能與黎巴嫩「摸和」返更衣室。換邊後港隊放鬆心情作賽，終由張煒琪先開記錄。打破僵局後，港隊愈踢愈順，韋婉婷更很快就梅開二度，最後由鄺穎茵射入最後一球，淨勝黎巴嫩4球，為奧運外圍賽取得好開始。

港隊後衛王素嫻賽後不諱言，球隊上半場太緊張，令到表現欠佳，「教練提點我們多點用身後波，下半場很快見到效果，今仗『還可以』，但下場對伊朗就要踢得更『硬淨』，傳控要做得更好」。

韋婉婷：浪費太多機會

入球功臣之一的韋婉婷，賽後表示不滿自己上半場表現，「浪費了差不多4至5球」，又指自己上半場可以輕鬆一點的話，埋門一腳可以更好，入球會早點出現，自己已吸取教訓。

下仗將要硬撼伊朗，韋婉婷希望以贏波為目標：「雖然今場全取3分，但我覺得下一場目標不要定得太低，試下Set高一點，嘗試一起Achieve More。」港女足周二（13日）將會繼續奧運外圍賽，與伊朗爭取直入次圈資格。