雯雯又發文指責張致恒　從不反省重複犯錯：歡迎另一半同我離婚

「離婚界KOL」張致恒（Steven）與太太區燕雯（雯雯），踏入2024年繼續新聞不絕。剛開始的起心肝做製作公司，不足一個月又合作告吹；雯雯近兩個月本改口風為Steven護航有進步，近日又發文指責老公，更直言：「隨時歡迎我另一半同我離婚。」

張致恒兒子確診自閉兼過度活躍症　雯雯壓力爆煲：覺得有精神問題

3月8日凌晨雯雯發文，轉載一篇吳浩康日前回應Steven的新聞，直指自己從來沒有搞垮Steven的事業，並指責對方從沒反省：「如果要話我搞到自己老公事業冇咗，咁不如話五年時間，佢冇好好去反省同改變好自己，不斷重複自己嘅錯誤，先會導致到今日發生嘅事。我冇咁無聊搞任何人，正正常常一段婚姻，點解會搞成咁，唔會冇原因，只係我乜嘢都放晒喺塊面，唔識演姐（啫）！」

雯雯又揚言不再委屈自己：「可以講我要做一個懂得體諒嘅老婆，5年乜都做晒。多謝大家關心，如果我做嘅嘢係咁惡劣，我隨時歡迎，我另一半同我離婚。希望下半年不公開自己情緒，低調，可換來健健康康，從此遠離複雜嘅世界。」