劉可獲葉振棠邀請擔任表演嘉賓　合唱「難為正邪定分界」炒熱氣氛

葉振棠（棠哥）昨日（7日）於香港大會堂音樂廳舉行之「愛心之Sing 處處聞2024」演出嘉賓分別有：陳鴻碩、黎惠蘭、區靄玲。而劉可有幸同棠哥合唱一首「難為正邪定分界」將觀眾情緒再次推高，歡呼聲不斷叫encore。

唱完劉可表示:「心情好開心好激動，可以喺香港大會堂呢個咁神聖既地方，同棠哥合唱呢首咁經典而咁有意義既難為正邪定分界，好多謝棠哥俾呢個機會我，希望冇令棠哥失望。」棠哥立即回應:「一啲都冇失望，大家話啱唔啱？」得到棠哥既肯定，劉可好感動。雖然只係唱一首歌，但劉可粉絲都紛紛嚟支持，完場喺門口等劉可送上祝賀。