黃美棋爆同阿Ray籌備婚禮有拗撬：有意見分歧嘅時候
撰文：吳子生
出版：更新：
黃美棋與男友鍾健威（Ray）在去年宣布婚訊，決定結束11年愛情長跑。並在上2月1日完成過大禮儀式，婚禮將在4月頭舉行。今日（7/3）黃美棋現身電視城出席「2024 UCI「 國家盃」場地單車賽」記者會。
美棋接受《香港01》訪問時表示：「其實今次籌備婚禮過程中，阿Ray佢真係好好，9成嘅嘢佢都有參與，亦都有做決定，咁當然中間我哋都會有意見分歧嘅時候，都會為某樣嘢有拗撬。不過我哋嘈完靜咗一晚，第二日大家瞓醒就會冇事。（婚後會否即刻造人？）其實本身我哋係想追個龍B，計吓條數原來出年新年係喺一月尾，成件事係好急，咁咪要結完婚當日就要即刻有，咁咪好難，唔係你話有就有。我哋朋友就建議我而家可以造定人先，到結婚嗰日係唔覺，但我又諗我要着婚紗同着高踭鞋，變咗會有風險，咁所以唯有到舉行完婚禮當晚，就睇阿Ray表現，睇佢得唔得啦，哈哈！」